தெரிஞ்சிக்கங்க…பித்தக்கற்களை இயற்கை வழியில் கரைப்பது எப்படி?

நம்மில் பெரும்பாலானோர் நம்மைத் தாக்கும் பெரிய நோய்களை குறிப்பிட்ட அறிகுறிகளைக் கொண்டு கண்டறிய முடியும் என்று நினைத்துக் கொண்டிருக்கின்றனர். ஆனால் பல முக்கியமான கொடிய நோய்களை ஆரம்ப காலத்தில் கண்டறியவே முடியாது. மாறாக முற்றிய நிலையில் தான் அந்த நோய்களைக் கண்டறிய முடியும். சில நோய்களுக்கான அறிகுறிகள் பொதுவாக சந்திக்கும் உடல்நலக் குறைவாக இருப்பதால், பலர் அதனை சாதாரணமாக விட்டுவிடுவார்கள்.

பெரும்பாலான மக்கள், குறிப்பாக வயதானவர்கள் மற்றும் பெண்கள் சந்திக்கும் பிரச்சனை தான் பித்தப்பை கற்கள். பித்தப்பையில் உருவாகும் கற்கள், வலியை ஏற்படுத்தும் வரை, அது நமக்கு இருப்பதைக் கண்டுபிடிக்க முடியாத ஒன்றாகத் தான் இருக்கும். பித்தப்பை கற்களுக்கான இயற்கை வைத்தியத்தைக் குறித்து காணும் முன்பு, அது எதனால் வருகிறது என்பதைக் காண்போம்.

பித்தக்கற்கள் என்பது என்ன?

பித்தக்கற்கள் என்பது கடினமான பந்து போன்று பித்தப்பையில் உருவாகுபவை. இந்த பித்தக்கற்கள் அதிகப்படியான கொலஸ்ட்ரால் அல்லது பித்த உப்புக்களால் உருவாகும். இந்த கற்கள் சிறிய கற்கள் முதல் பெரிய அளவிலான டென்னிஸ் பந்து அளவு வரை, பல்வேறு அளவுகளில் உருவாகும்.

எது பித்தக்கற்களை உருவாக்குகிறது?

எப்போது ஒருவரது உடலில் கொலஸ்ட்ரால் அளவு அதிகமாக உள்ளதோ, அப்போது பித்தக்கற்கள் உருவாகும். அதிலும் சாச்சுரேட்டட் கொழுப்புக்களை கரைப்பதற்கு போதுமான பித்தநீர் பித்தப்பையில் சுரக்காமல் இருக்கும் போது பித்தக்கற்களாக உருவாகின்றன. இருப்பினும் பித்தக்கற்கள் பித்த உப்புக்களாலும் உருவாகின்றன. கர்ப்ப காலத்தில் ஏற்படும் ஹார்மோன் மாற்றங்களினால் பெண்களுக்கு பித்தக்கற்கள் வரும் வாய்ப்பு அதிகமாகின்றன.

சரி, இப்போது பித்தக்கற்களை இயற்கையாகவே கரைக்க உதவும் சில இயற்கை வழிகளைக் காண்போம்.

ஆப்பிள் சீடர் வினிகர்

* 1 டம்ளர் வெதுவெதுப்பான நீரில் 2 டீஸ்பூன் ஆப்பிள் சீடர் வினிகர் மற்றும் 1 டீஸ்பூன் எலுமிச்சை சாறு சேர்த்து கலந்து காலையில் எழுந்ததும் வெறும் வயிற்றில் குடிக்க வேண்டும்.

* இல்லாவிட்டால் ஒரு டம்ளர் ஆப்பிள் ஜூஸில் 1 டீஸ்பூன் ஆப்பிள் சீடர் வினிகர் சேர்த்து கலந்து குடிக்கலாம். இதனால் பித்தக்கற்கள் இயற்கையாக கரைந்து வெளியேறிவிடும்.

ஆப்பிள் ஜூஸ்

பித்தக்கற்கள் இருப்பவர்கள், தினமும் ஒரு டம்ளர் ஆப்பிள் ஜூஸை குடித்து வருவது நல்லது. அதுவும் தோல் நீக்காத ஆப்பிளை அரைத்து ஜூஸ் தயாரித்துக் குடிக்க வேண்டும். இப்படி தினமும் ஒரு டம்ளர் குடித்து வர, வலிமிக்க பித்தக்கற்கள் இயற்கையாகவே வெளியேறிவிடும்.

மஞ்சள்

1/2 டீஸ்பூன் மஞ்சள் தூளை எடுத்து, அத்துடன் 1/2 டீஸ்பூன் தேன் கலந்து, தினமும் சாப்பிட்டு வந்தால், பித்தக்கற்கள் மாயமாய் மறைந்துவிடும். இதற்கு மஞ்சள் மற்றும் தேனில் உள்ள மருத்துவ குணங்கள் தான் முக்கிய காரணமாகும். இதனை அனைவருமே பின்பற்றலாம். இதனால் பித்தப்பையின் ஆரோக்கியம் மேம்படும்.

பால் நெருஞ்சில்

ஒரு பாத்திரத்தில் 3 கப் நீரை ஊற்றி, அதில் 1 டேபிள் ஸ்பூன் பால் நெருஞ்சில் விதைகளைத் தட்டிப் போட்டு, நன்கு 20 நிமிடம் கொதிக்க வைத்து இறக்கி வடிகட்டி, தேன் கலந்து குடியுங்கள். இப்படி ஒரு நாளைக்கு 2-3 கப் குடித்து வந்தால், பித்தப்பையில் உள்ள கற்கள் கரைந்து வெளியேறிவிடும்.

எலுமிச்சை ஜூஸ்

ஒரு டம்ளர் வெதுவெதுப்பான நீரில் 1 டீஸ்பூன் எலுமிச்சை சாறு மற்றும் தேன் கலந்து தினமும் காலையில் வெறும் வயிற்றில் குடித்து வாருங்கள். வேண்டுமானால் நாள் முழுவதும் எலுமிச்சை ஜூஸைக் குடித்து வரலாம். இதனால் வலிமிக்க பித்தப்பை கற்களை எளிதில் வெளியேற்றலாம்.

கிரான்பெர்ரி ஜூஸ்

பித்தக்கற்கள் இருப்பவர்கள் தினமும் கிரான்பெர்ரி ஜூஸை ஒரு டம்ளர் குடித்து வந்தால், பித்தக்கற்கள் மற்றும் பித்தப்பை பிரச்சனைகளில் இருந்து விடுபடலாம். முக்கியமாக கிரான்பெர்ரி ஜூஸ் உடன் சிறிது நீர் கலந்து கொள்ளுங்கள். ஏனெனில் கிரான்பெர்ரி ஜூஸ் சற்று அதிக அமிலத்தன்மை வாய்ந்தவை.

தேங்காய் எண்ணெய்

3 டேபிள் ஸ்பூன் தேங்காய் எண்ணெயை வெதுவெதுப்பாக சூடேற்றி, பின் அதில் 1/4 டம்ளர் ஆப்பிள் ஜூஸ், பாதி எலுமிச்சையின் சாறு, ஒரு சிறிய துண்டு இஞ்சி சேர்த்து இறக்கி, மிக்ஸியில் போட்டு நன்கு அரைத்துக் கொள்ள வேண்டும். பின் அந்த கலவையை தினமும் ஒருமுறை உட்கொள்ள வேண்டும். இதனால் பித்தப்பையில் உள்ள பிரச்சனைகள் முற்றிலும் அகலும்.

விளக்கெண்ணெய்

ஒரு கப் விளக்கெண்ணெயை லேசாக சூடேற்றிக் கொள்ள வேண்டும். பின் ஒரு துணியை அந்த எண்ணெயில் நனைத்து பிழிந்து, வயிற்றின் வலது பக்கத்தில் வைத்து, ஒரு பிளாஸ்டிக் ஷீட்டால் சுற்றிக் கொள்ள வேண்டும். பின்பு சுடுநீர் கொண்டு அவ்விடத்தில் 30-40 நிமிடம் ஒத்தடம் கொடுங்கள். இப்படி வாரத்திற்கு 3 முறை செய்தால், பித்தக்கற்களில் இருந்து விடுபடலாம்.

க்ரீன் டீ

1 கப் சுடுநீரில் 2 டீஸ்பூன் க்ரீன் டீ இலைகளைப் போட்டு 5 நிமிடம் ஊற வைத்து வடிகட்டி தேன் மற்றும் எலுமிச்சை சாறு சேர்த்து கலந்து குடியுங்கள். இப்படி ஒரு நாளைக்கு 2-3 கப் என தினமும் குடித்து வந்தால், க்ரீன் டீயில் உள்ள பண்புகள் பித்தக்கற்களைத் தடுக்கும்.

காபி

பித்தக்கற்கள் இருப்பவர்கள், தினமும் 2 கப் சூடாக காபி குடிப்பதன் மூலம், பித்தக்கற்களை அகற்றலாம். ஆய்வுகளில் கூட இது கண்டறியப்பட்டுள்ளது. இதற்கு காபியில் உள்ள காப்ஃபைன் பித்தப்பையை சுருங்கச் செய்து, பித்தக்கற்களை எளிதில் வெளியேற்றச் செய்கிறது.

வைட்டமின் சி உணவுகள்

வைட்டமின் சி நோயெதிர்ப்பு மண்டலத்திற்கு மட்டும் நல்லதல்ல, பித்தப்பை கற்கள் உருவாவதையும் தடுக்கும். ஒருவரது உடலில் போதிய அளவில் வைட்டமின் சி இருந்தால், கொலஸ்ட்ரால் உற்பத்தி குறைந்து, பித்தக்கற்கள் உருவாகும் வாய்ப்பு குறையும். எனவே வைட்டமின் சி நிறைந்த உணவுப் பொருட்களான எலுமிச்சை, ஆரஞ்சு, கிவி, பப்பாளி, மாம்பழம், கொய்யா போன்றவற்றை உட்கொள்ளுங்கள்.

டேன்டேலியன்

ஒரு பாத்திரத்தில் 1 கப் நீரை ஊற்றி, அதில் 1 டேபிள் ஸ்பூன் உலர்ந்த டேன்டேலியன் வேரை போட்டு கொதிக்க வைத்து இறக்கி, வடிகட்டி தேன் கலந்து குடித்து வாருங்கள். இந்த டீயை ஒருவர் தினமும் 2 முறை குடித்து வந்தால், பித்தப்பை கற்கள் இயற்கையாக வெளியேறிவிடும். ஆனால் சர்க்கரை நோய் உள்ளவர்கள், இந்த டீயைக் குடிக்கும் முன் மருத்துவரிடம் கேட்டுக் கொள்வது நல்லது.

பீட்ரூட்

பீட்ரூட்டை சிறு துண்டுகளாக்கி, மிக்ஸியில் போட்டு சிறிது நீர் சேர்த்து அரைத்து ஜூஸ் தயாரித்துக் கொள்ளுங்கள். இந்த பீட்ரூட் ஜூஸை தினமும் ஒரு கப் குடித்து வந்தால், பித்தப்பை கற்களில் இருந்து நிவாரணம் கிடைக்கும். முக்கியமாக இந்த ஜூஸ் குடித்தால் கொலஸ்ட்ராலால் ஏற்படும் கற்களைத் தடுக்கலாம்.

முள்ளங்கி

முள்ளங்கியின் தோலை நீக்கிவிட்டு துண்டுகளாக்கி, மிக்ஸியில் சிறிது போட்டு நீர் சேர்த்து நன்கு அரைத்து வடிகட்டிக் கொள்ள வேண்டும். பின் இந்த ஜூஸை 2 டேபிள் ஸ்பூன் உட்கொள்ள வேண்டும். இந்த ஜூஸை பெரிய அளவிலான பித்தக்கல் கொண்டவர்கள் தினமும் 5-6 டேபிள் ஸ்பூன் குடித்து வருவதன் மூலம், பித்தக்கற்களை கரைத்து வெளியேற்றலாம். சிறிய அளவிலான கற்களைக் கொண்டவர்கள், 1-2 டேபிள் ஸ்பூன் குடிப்பது நல்லது.

புதினா

ஒரு பாத்திரத்தில் 1 கப் நீரை ஊற்றி, அதில் சிறிது புதினா இலைகளைப் போட்டு சிறிது நேரம் ஊற வைத்து, பின் வடிகட்டி தேன் கலந்து குடியுங்கள். இந்த டீயை உணவு இடைவேளையின் போது குடிப்பது நல்லது. ஒருவர் தினமும் புதினா டீயைக் குடித்து வந்தால், பித்தப்பை சம்பந்தமான பிரச்சனைகள் முற்றிலும் அகலும்.

பேரிக்காய் ஜூஸ்

1/2 டம்ளர் பேரிக்காய் ஜூஸ் உடன், 1/2 டம்ளர் சுடுநீர் மற்றும் 2 டேபிள் ஸ்பூன் தேன் சேர்த்து கலந்து குடிக்க வேண்டும். இப்படி ஒரு நாளைக்கு 3 முறை குடித்து வந்தால், பித்தக்கற்கள் வளர்வதைத் தடுக்கலாம். குறிப்பாக பேரிக்காயில் உள்ள பெக்டின் கொலஸ்ட்ராலைக் கரைப்பதோடு, கொலஸ்ட்ரால் கற்கள் உருவாவதைத் தடுக்கும்.