தோலில் ஏற்படும் சுருக்கங்கள் மறைய கடுகு எண்ணெய், ஆலிவ் எண்ணெய், நல்லெண்ணெய் ஆகியவற்றை சம அளவு எடுத்து கலந்து உடம்பில் பூசி ஒருமணி நேரம் வைத்து பிறகு குளித்தால் தோலில் உள்ள சுருக்கம் மறையும்.
* பப்பாளி பழச்சாற்றை முகம் மற்றும் கழுத்தில் தடவி சில நிமிடம் சென்றபின் நீரால் கழுவினால் முகம் பளபளப்பாக இருக்கும்.
* நாட்டுக்கோழி முட்டையின் வெள்ளைக் கருவுடன் நல்லெண்ணெய் சேர்த்து பருக்களின் மீது தடவினால் பருக்கள் மறையும்.
* அருகம்புல் சாற்றுடன் சிறிதளவு பன்னீர் மற்றும் பப்பாளிப் பழம் சேர்த்து பிசைந்து முகத்தில் தடவி காய்ந்த பின் கழுவினால் முகத்தில் வெயிலால் ஏற்படும் கருமை நிறம் மாறும்.
* முகத்தில் உள்ள துவாரங்களை போக்க ஒரு குச்சியில் பஞ்சை சுற்றி அதை எலுமிச்சை சாறில் நனைத்து துவாரங்கள் இருக்கும் இடத்தில் தடவினால் துவாரங்கள் அடைபட்டு விடும்.
* காலில் உள்ள நகங்களை உப்பு கலந்த நீரில் 10 நிமிடம் ஊறவைத்து பிறகு பழைய பிரஷ்ஷினால் தேய்த்தால் நகங்கள் சுத்தமாகும். மேலும் கிருமிகள் அழிந்து விடும்.
* உடலில் வெயில் படும் இடங்களில் உள்ள கருமை நிறத்தை போக்க எலுமிச்சைச் சாறு மற்றும் பால் ஆகியவற்றை கலந்து தடவி காய்ந்த பின் கழுவ வேண்டும். இவ்வாறு தொடர்ந்து செய்தால் உடலில் உள்ள கருமை நிறம் மாறும்.