பள்ளியில் இருந்து வரும் குழந்தைகளுக்கு சூடாக ஸ்நாக்ஸ் செய்து கொடுத்தால் விரும்பி சாப்பிடுவார்கள். இன்று காளான் பக்கோடா செய்வது எப்படி என்று பார்க்கலாம்.
மாலை நேர ஸ்நாக்ஸ் காளான் பக்கோடா
தேவையான பொருட்கள் :
காளான் – 200 கிராம்
வெங்காயம் – 1
இஞ்சி, பூண்டு விழுது – 1 டீஸ்பூன்
பச்சை மிளகாய் – 2
கொத்தமல்லி தழை – சிறிதளவு
மஞ்சள்தூள் – 1 டீஸ்பூன்
பெருங்காய்தூள் – சிறிதளவு
மிளகாய்த்தூள் – 1 டீஸ்பூன்
சீரகத் தூள் – 1 டீஸ்பூன்
உப்பு – சுவைக்கேற்ப
அரிசி மாவு – 2 டீஸ்பூன்
கடலை மாவு – 5 டீஸ்பூன்
தண்ணீர் – தேவையான அளவு
செய்முறை :
* காளானை நன்றாக கழுவி நீளமான துண்டுகளாக வெட்டி கொள்ளவும்.
* வெங்காயம், பூண்டு, இஞ்சி, ப.மிளகாய், கொத்தமல்லியை பொடியாக நறுக்கி கொள்ளவும்.
* ஒரு பாத்திரத்தில் நீளமாக காளான், நறுக்கிய வெங்காயம், பொடியாக நறுக்கிய பூண்டு, இஞ்சி, கொத்தமல்லி தழை, பச்சை மிளகாய், மஞ்சள்தூள், மிளகாய்த்தூள், சீரகத்தூள், உப்பு சேர்த்து நன்றாக கலக்கவும்.
* அடுத்து அதனுடன், அரிசி மாவு, கடலை மாவு, சிறிதளவு தண்ணீர் சேர்த்து நன்றாக கெட்டியாக பிசைந்து கொள்ளவும்.
* அடுப்பில் கடாயை வைத்து எண்ணெய் ஊற்றி சூடானதும் பிசைந்து வைத்த காளான் மாவை உதிரி உதிரியாக போட்டு பொன்னிறமாக பொரித்தெடுக்கவும்.
* சூப்பரான காளான் பக்கோடா ரெடி!