33.9 C
Chennai
Friday, Jun 13, 2025
201704121517295475 sidedish vada kari SECVPF
சைவம்

பூரிக்கு சூப்பரான சைடுடிஷ் வடகறி

இட்லி மற்றும் தோசைக்கு அட்டகாசமாக இருக்கும் வடகறி தென்னிந்தியாவில் மிகவும் பிரபலமானது. இன்று இந்த வடகறியை எப்படி செய்வது என்று பார்க்கலாம்.

பூரிக்கு சூப்பரான சைடுடிஷ் வடகறி
தேவையான பொருட்கள்:

கடலைப் பருப்பு – 1 கப்
சோம்பு – 1 டீஸ்பூன்
வரமிளகாய – 2
உப்பு – தேவையான அளவு

கிரேவிக்கு…

வெங்காயம் – 1
தக்காளி – 2
இஞ்சி பூண்டு பேஸ்ட் – 2 டீஸ்பூன்
மிளகாய் தூள் – 2 டீஸ்பூன்
மல்லி தூள் – 1 டீஸ்பூன்
மஞ்சள் தூள் – 1 சிட்டிகை
கொத்தமல்லி – சிறிது
தேங்காய் பால் – 1 கப்

தாளிப்பதற்கு…

எண்ணெய் – 1 டேபிள் ஸ்பூன்
பட்டை – 1
கிராம்பு – 2
பிரியாணி இலை – 1
பச்சை மிளகாய் – 1
கறிவேப்பிலை – சிறிது

செய்முறை:

* வெங்காயம், கொத்தமல்லியை பொடியாக நறுக்கி கொள்ளவும்.

* தக்காளியை நீரில் போட்டு சிறிது நேரம் அடுப்பில் வைத்து கொதிக்க விட வேண்டும். பின் அதன் தோலை நீக்கிவிட்டு, அதனை மிக்ஸியில் போட்டு அரைத்துக் கொள்ள வேண்டும்.

* கடலைப் பருப்பை 2 மணிநேரம் ஊற வைத்து நன்றாக கழுவி மிக்ஸியில் போட்டு, அத்துடன் வரமிளகாய், சோம்பு மற்றும் உப்பு சேர்த்து சேர்த்து, கொரகொரவென்று அரைத்துக் கொள்ள வேண்டும்.

* அரைத்த மாவை சிறுசிறு வடைகளாக தட்டி, எண்ணெயில் போட்டு பொன்னிறமாக பொரித்து ஆறியதும் துண்டுகளாக பிய்த்து வைக்கவும்.

* ஒரு வாணலியை அடுப்பில் வைத்து, அதில் தாளிப்பதற்கு கொடுத்துள்ள அளவு எண்ணெய் ஊற்றி காய்ந்ததும், பட்டை, கிராம்பு, பிரியாணி இலை, பச்சை மிளகாய் மற்றும் கறிவேப்பிலை சேர்த்து தாளித்த பின் வெங்காயத்தை போட்டு நன்றாக வதக்கவும்.

* வெங்காயம் நன்றாக வதங்கியதும் இஞ்சி பூண்டு பேஸ்ட் சேர்த்து வதக்கவும்.

* அடுத்து அரைத்து வைத்துள்ள தக்காளியை ஊற்றி வதக்கவும்.

* அடுத்து மிளகாய் தூள், மல்லி தூள், மஞ்சள் தூள் சேர்த்து கிளறி, 3/4 கப் தண்ணீர் ஊற்றி, கொதிக்க விட வேண்டும்.

* நன்றாக கொதிக்கும் போது தேங்காய் பாலை ஊற்றி கொதிக்க விடவும்.

* திக்கான பதம் வந்தவுடன் உதிர்த்து வைத்துள்ள வடைகளை போட்டு மிதமான தீயில் 5 நிமிடம் நன்கு கொதிக்க விட்டு கொத்தமல்லியைத் தூவி இறக்கவும்.

* சூப்பரான சைடு டிஷ் வடைகறி ரெடி!!!201704121517295475 sidedish vada kari SECVPF

Related posts

வெஜிடேபிள் புலாவ்

nathan

கத்தரிக்காய் மசியல்

nathan

பனீர் வெஜ் மின்ட் கறி

nathan

சிம்பிளான… கோவைக்காய் ப்ரை

nathan

மாலை நேர ஸ்நாக்ஸ் வெண்டைக்காய் சிப்ஸ்

nathan

கத்தரிக்காய் மசியல் : செய்முறைகளுடன்…!

nathan

பீட்ரூட் – பச்சை பட்டாணி புலாவ்

nathan

மோர்க் குழம்பு

nathan

சுவையான சத்தான பன்னீர் சாதம்

nathan