ஆரஞ்சு பழத்தில் வைட்டமின் சி சத்து அதிகளவு உள்ளது. இன்று ஆரஞ்சு பழத்தை வைத்து சூப்பரான சத்தான ரைஸ் செய்வது எப்படி என்று பார்க்கலாம்.
சூப்பரான சத்தான ஆரஞ்சு – பட்டாணி ரைஸ்
தேவையான பொருட்கள்
பாசுமதி அரிசி – 2 கப்.
பட்டை, லவங்கம் – 1.
வெங்காயம் – 2
பச்சை மிளகாய் – 3.
பட்டாணி – 1 கப்.
முந்திரிப் பருப்பு – 6.
திராட்சை – 4.
ஆரஞ்சு சாறு – 2 கப்.
நெய் – 2 ஸ்பூன்.
செய்முறை:
* பாசுமதி அரிசியை நன்றாக கழுவி கொள்ளவும்.
* கழுவிய பாசுமதி அரிசியை ஆரஞ்சு சாறு, தண்ணீர் சேர்த்து அரை மணி நேரம் ஊறவிடவும்.
* ஒரு பிரஷர் குக்கரில், ஊறவைத்த அரிசியை உப்பு சேர்த்து இரண்டு விசில் வந்தவுடன் இறக்கி தனியாக வைக்கவும்.
* ஒரு வாணலியில் நெய் விட்டு, பட்டை, லவங்கம் போட்டு தாளித்த பின் வெங்காயம், பச்சை மிளகாய் சேர்த்து வதக்கவும்.
* பிறகு உப்பு, பட்டாணி சேர்த்து கிளறவும்.
* பட்டாணி வெந்தவுடன் வேக வைத்த சாதத்தை சேர்த்து கிளறி இறக்கவும்.
* அதில் முந்திரிப்பருப்பு, திராட்சை சேர்த்து பரிமாறவும்.
* சூப்பரான சத்தான ஆரஞ்சு – பட்டாணி ரைஸ் ரெடி.