வெயிலுக்கு மோர் குழம்பு சாப்பிட சூப்பராக இருக்கும். மோர் குழம்பு செய்யும் போது அதில் ஓமம் சேர்த்து செய்தால் உடலுக்கு மிகவும் நல்லது. இந்த குழம்பு செய்முறையை பார்க்கலாம்.
வெண்டைக்காய் – ஓமம் மோர்க் குழம்பு
தேவையான பொருட்கள் :
வெண்டைக்காய் – 10,
சிறிது புளிப்பு உள்ள மோர் – அரை லிட்டர்,
ஓமம் – 2 டீஸ்பூன்,
காய்ந்த மிளகாய் – 2,
தேங்காய் துருவல் – கால் கப்,
கடுகு – சிறிதளவு,
வெந்தயம் – கால் டீஸ்பூன்,
எண்ணெய் – ஒரு டீஸ்பூன்,
உப்பு – தேவையான அளவு.
செய்முறை :
* ஓமம், காய்ந்த மிளகாய், தேங்காய் துருவலை மிக்ஸியில் நைஸாக அரைக்கவும்.
* அரைத்த விழுதை மோருடன் சேர்த்து, தேவையான உப்பு சேர்த்துக் நன்றாக கலந்து கொள்ளவும்.
* வெண்டைக் காயை நீளவாக்கில் சிறு துண்டுகளாக நறுக்கி, எண்ணெய் விட்டு பிரவுன் நிறமாகும் வரை வதக்கவும்.
* இதை மோர் கலவையுடன் கலந்து, லேசாக சூடாக்கி, கொதிக்க ஆரம்பித்த உடன் கடுகு, வெந்தயம் தாளித்துக் கொட்டி இறக்கவும்.
* சூப்பரான வெண்டைக்காய் – ஓமம் மோர்க் குழம்பு ரெடி.