எல்லாத் தாது உப்புகளும் நிறைந்தது சாமை. மாவுச் சத்தும் இதில் அதிகம். சாமை அரிசியை வைத்து சத்து நிறைந்த மிளகு பொங்கல் செய்வது எப்படி என்று பார்க்கலாம்.
சத்து நிறைந்த சாமை மிளகுப் பொங்கல்
தேவையான பொருட்கள் :
சாமை அரிசி – 500 கிராம்,
பாசிப்பருப்பு – 250 கிராம்,
இஞ்சி (துருவியது) – இரண்டு தேக்கரண்டி,
நெய் – 2 மேசைக்கரண்டி,
ப.மிளகாய் – 2
கறிவேப்பிலை – சிறிதளவு
முந்திரி – 10 கிராம்,
சீரகம் – 2 தேக்கரண்டி,
மிளகு – 3 தேக்கரண்டி,
கல் உப்பு – தேவையான அளவு.
செய்முறை :
* ப.மிளகாய், கறிவேப்பிலையை பொடியாக நறுக்கி கொள்ளவும்.
* சாமை அரிசியை கல் அரித்த பின் நன்றாக கழுவி 30 நிமிடம் ஊற வைக்கவும்.
* பாசிப்பருப்பை தண்ணீரில் நன்றாக கழுவி 30 நிமிடம் ஊறவைக்கவும்.
* குக்கரில் ஊறவைத்த சாமை அரிசி, பாசிப்பருப்பு, உப்பு சேர்த்து கலந்து குக்கரில் மூன்று விசில் வைத்து வேகவிடவும்.
* கடாயில் நெய் ஊற்றி சூடானதும் சீரகம், மிளகு, முந்திரி, ப.மிளகாய், கறிவேப்பிலை, இஞ்சி போட்டு தாளித்து வேகவைத்த சாமையுடன் சேர்த்து நன்கு கலக்கவும்.
* சுவையான சாமை மிளகு பொங்கல் தயார்.
