சூப்பரான சாமை அரிசி பிரியாணி

சிறுதானியங்களை அடிக்கடி உணவில் சேர்த்து கொள்வது மிகவும் நல்லது. இன்று சாமை அரிசியை வைத்து சூப்பரான பிரியாணி செய்வது எப்படி என்று பார்க்கலாம்.

சூப்பரான சாமை அரிசி பிரியாணி
தேவையான பொருட்கள் :

சாமை அரிசி – ஒரு கப்,
பூண்டு – 2 பல்,
இஞ்சி – ஒரு சிறிய துண்டு,
பட்டை – 2,
ஏலக்காய், பிரியாணி இலை – தலா 1,
லவங்கம் – 3,
கலந்த காய்கறி துண்டுகள் (கேரட், உருளைக் கிழங்கு, பீன்ஸ்) – 2 கப்,
பச்சைப் பட்டாணி – கால் கப்,
மிளகாய்த் தூள் – கால் டீஸ்பூன்,
மஞ்சள் தூள் – ஒரு சிட்டிகை,
எண்ணெய் – ஒரு டீஸ்பூன்,
நெய் – ஒரு டீஸ்பூன்,
கொத்தமல்லித் தழை, புதினா – சிறிதளவு,
முந்திரி – 5,
பெரிய வெங்காயம் – 1,
உப்பு – ஒரு சிட்டிகை,
தண்ணீர் – 3 கப்,
தக்காளி – 1,
தயிர் – சிறிதளவு,
எலுமிச்சைப் பழம் – பாதி,
உப்பு – தேவையான அளவு.

செய்முறை :

* வெங்காயம், தக்காளி, புதினா, காய்கறிகள், கொத்தமல்லியை பொடியாக நறுக்கி கொள்ளவும்.

* சாமை அரிசியைக் கழுவி ஊறவைக்கவும்.

* கடாயில் எண்ணெய் ஊற்றி பட்டை, லவங்கம், ஏலக்காய், பிரியாணி இலை, நறுக்கிய இஞ்சி, பூண்டு சேர்த்து வதக்கவும்.

* அடுத்து அதில் வெங்காயம், பச்சை மிளகாய், சேர்த்து வதக்கவும்.

* வெங்காயம் நன்றாக வதங்கியதும் தக்காளியை சேர்த்து வதக்கவும்.

* அடுத்து அதில் காய்கறிகள், பச்சைப் பட்டாணியைச் சேர்த்துக் கிளறவும்.

* அடுத்து தயிர், மிளகாய்த் தூள், மஞ்சள்தூள் சேர்க்கவும்.

* பின்னர் மூன்று கப் தண்ணீர் விட்டு, உப்பு சேர்த்துக் கொதிக்கவிடவும்.

* கொதி வந்தவுடன் ஊறவைத்த சாமை அரிசியைச் சேர்த்து, மிதமான சூட்டில் வேகவைக்கவும்.

* அரிசி முக்கால் பாகம் வெந்தவுடன் நறுக்கிய புதினா, கொத்தமல்லி சேர்த்து, நெய் விட்டு, முந்திரியைத் தூவி ஐந்து நிமிடங்கள் மூடிவைக்கவும்.

* கடைசியாக எலுமிச்சைச் சாற்றை ஊற்றி, நன்றாகக் கிளறிப் பரிமாறவும்.