சிறுதானியங்களை அடிக்கடி உணவில் சேர்த்து கொள்வது நல்லது. இன்று சோள ரவையை வைத்து எப்படி சத்தான பொங்கல் செய்வது என்று பார்க்கலாம்.
சத்தான சுவையான சோள ரவைப் பொங்கல்
தேவையான பொருட்கள் :
சோள ரவை – ஒரு கப்,
பாசிப் பருப்பு – கால் கப்,
இஞ்சி – சிறிய துண்டு,
மிளகு, சீரகம் – தலா கால் தேக்கரண்டி,
நெய் – ஒரு மேஜைக்கரண்டி,
கறிவேப்பிலை – சிறிது,
ப.மிளகாய் – 2
உப்பு – சுவைக்கேற்ப,
எண்ணெய் – ஒரு தேக்கரண்டி,
முந்திரி – 6.
செய்முறை :
* ப.மிளகாயை பொடியாக நறுக்கி கொள்ளவும்.
* இஞ்சியை துருவிக்கொள்ளவும்.
* பாசிப் பருப்பு, சோள ரவையை வெறும் வாணலியில் தனித்தனியாக வறுத்து கொள்ளவும்.
* குக்கரில் 3 கப் நீர்விட்டு கொதிக்கவிட வேண்டும்.
* தண்ணீர் நன்றாக கொதித்ததும் அதில் ரவை, பருப்பு, உப்பு சேர்த்து, குழைய வேகவைக்க வேண்டும்.
* கடாயை அடுப்பில் வைத்து நெய், எண்ணெய் விட்டு சூடானதும் முந்திரி, சீரகம், மிளகு, ப.மிளகாய், துருவிய இஞ்சி, கறிவேப்பிலை சேர்த்து தாளித்து வேக வைத்த சோள ரவைப் பொங்கலில் சேர்த்துக் கிளறவும்.
* சூப்பரான சோள ரவைப் பொங்கல் ரெடி.