வெண்டை மொச்சை மண்டி

தேவையான பொருட்கள்:

வெண்டைக்காய் – அரை கிலோ
தக்காளி – 150 கிராம்
சின்ன வெங்காயம் – 3
காய்ந்த மிளகாய் – 3 (அல்லது காய்ந்தது)
பச்சை மிளகாய் – 4
பூண்டு – 3 பல்
மொச்சைப் பயறு – 50 கிராம்
புளி – எலுமிச்சை அளவு
மஞ்சள் தூள் – 1 டீஸ்பூன்
எண்ணெய், உப்பு – தேவையான அளவு

செய்முறை:

வெண்டைக்காயை கொஞ்சம் எண்ணெய் விட்டு வதக்கி கொள்ளவும். மொச்சைப் பயறை 8 மணி நேரம் ஊறவைத்து, குக்கரில் போட்டு வேகவிடவும்.

வாணலியில் எண்ணெய் ஊற்றிக் காய்ந்ததும் கடுகு, உளுந்து, காய்ந்த மிளகாய் சேர்த்துத் தாளிக்கவும். பிறகு சின்ன வெங்காயம், பச்சை மிளகாய், தக்காளி, பூண்டு ஆகியவற்றைச் சேர்த்து நன்றாக வதக்கவும். பிறகு நறுக்கிய வெண்டைக்காயைச் சேர்த்து வதக்கவும்.

புளியைக் கரைத்து ஊற்றிக் கொதிக்கவிடவும். வெண்டைக்காய் பாதியளவு வெந்ததும் மொச்சைப் பயறைச் சேர்த்து கொதித்ததும் இறக்கவும்.

சுவை மிகுந்த வெண்டை மொச்சை மண்டி தயார்.