தினமும் ஒரு கீரையை உணவில் சேர்த்து கொள்வது மிகவும் நல்லது. இப்போது அரைக்கீரை குழம்பு செய்வது எப்படி என்று பார்க்கலாம்.
சத்தான சுவையான அரைக்கீரை குழம்பு
தேவையான பொருள்கள் :
அரைக்கீரை – 1 கட்டு
பச்சை மிளகாய் – 3
பூண்டு – 5 பல்
தக்காளி – 4
சின்ன வெங்காயம் – 10
கடுகு – அரை ஸ்பூன்
உளுத்தம் பருப்பு – அரை ஸ்பூன்
சீரகம் – அரை ஸ்பூன்
எண்ணெய் – தேவையான அளவு
உப்பு – தேவையான அளவு
செய்முறை :
* அரைக்கீரையை நன்கு சுத்தம் செய்து கழுவி ஆய்ந்து நறுக்கி கொள்ளவும்.
* பூண்டு, சின்ன வெங்காயத்தை தோல் உரித்து கொள்ளவும்.
* தக்காளி மற்றும் பச்சை மிளகாய் இரண்டையும் பொடியாக நறுக்கி கொள்ளவும்.
* குக்கரில் கீரை, பூண்டு, பச்சை மிளகாய், சின்ன வெங்காயம், தக்காளி அனைத்தையும் போட்டு சிறிது தண்ணீர் விட்டு 3 விசில் வந்ததும் இறக்கி உப்பு சேர்த்து மத்தினால் நன்கு கடைந்து கொள்ளவும்.
* வாணலியில் எண்ணெய் விட்டு காய்ந்ததும் கடுகு, உளுத்தம் பருப்பு, சீரகம், கறிவேப்பிலை போட்டு தாளித்து அதில் கடைந்து வைத்த கீரை கலவையை போட்டு கிளறி இறக்கி பரிமாறவும்.
* சுவையான, ஆரோக்கியமான “அரைக்கீரை குழம்பு” தயார்.
* இதை சாதத்தோடு சாப்பிட மிகவும் சுவையாக இருக்கும்.