குழந்தைகளுக்கு கேரமல் பிரை பனானா மிகவும் பிடிக்கும். இதை எளிய முறையில் வீட்டிலேயே செய்யலாம்.
குழந்தைகளுக்கான கேரமல் பிரை பனானா
தேவையான பொருட்கள் :
மிகவும் பழுக்காத வாழைப்பழம் – 2
மைதா மாவு – அரை கப்
சோள மாவு – கால் கப்
சர்க்கரை – அரை கப்
எள் – சிறிதளவு
எண்ணெய் – பொரிக்க
செய்முறை :
* மைதாவுடன், சோள மாவு சேர்த்து சிறிது தண்ணீர் விட்டு இட்லி மாவு பதத்திற்கு கரைத்துக் கொள்ளவும்.
* வாழைப்பழங்களை தோல் நீக்கி விருப்பம் போல துண்டுகளாக்கி வைக்கவும்.
* வாணலியில் எண்ணெயைச் சூடாக்கி, அதில் நறுக்கிய பழத்துண்டுகளை மாவில் தோய்த்தெடுத்து எண்ணெயில் போட்டு பொரித்தெடுக்கவும்.
* அடிகனமான பாத்திரத்தில் சர்க்கரை, சிறிதளவு தண்ணீர் விட்டு கொதிக்க விடவும். நுரைத்து நிறம் மாறும் பதம் வரும் வரை கிளறி கொண்டே இருக்கவும். இவ்வாறு கேரமல் தயார் செய்து கொள்ளவும்.
* பொரித்தெடுத்த பழத்துண்டுகளை கேரமல் கலவையில் போட்டெடுத்து, பரிமாறவும்.
* விருப்பப்பட்டால் வறுத்த எள்ளை இதன் மீது தூவி அலங்கரித்துப் பரிமாறவும்.