தீபாவளி பட்டாசுக்கு மட்டுமல்ல ஸ்வீட்டுக்கும் பிரபலமான விழா தான். அதிலும் மைசூர்பா இல்லாமல் தீபாவளியே இல்லை எனலாம். எவ்வளவு நாள் தான் நமக்கு பிடித்த மைசூர்பாவை கடைகளில் வாங்கி சாப்பிடுவோம், இந்த தீபாவளிக்கு மைசூர்பா நம்ம வீட்டிலேயே செஞ்சு அசத்திடுவோம்.
தேவையான பொருள்கள்
* கடலை மாவு – 1 கப்
* சர்க்கரை – 2 1/2 கப்
* நெய் – 2 1/2 கப்
செய்முறை
* சலித்த கடலை மாவை 2 முதல் 3 நிமிடம் வரை மிதமாக வாணலியில் வறுக்கவும்.
* மிதமான நெருப்பில் நெய்யை உருக்கி வைத்துக் கொள்ளவும்.
* மிதமான வெப்பத்தில் சர்க்கரையில் நீர் சேர்த்து பாகு ஆகாமல் கரைக்கவும்.
* வறுத்த கடலை மாவுடன் மிதமான வெப்பத்தில் கரைந்த சர்க்கரை நீர் கரைசலை சேர்த்து கட்டியாகாமல் கலக்கவும்.
* கடலைமாவு சர்க்கரை கரைசலுடன் கொதிக்க தொடங்கியதும், உருக்கி வைத்த நெய்யை நான்கைந்து முறைகளாக கட்டியாக கட்டியாக சேர்த்து கிளறவும்.
* இறுதியாக எல்லா நெய்யும் சேர்த்த பின் நன்கு கெட்டியாக ஒட்டாமல் வரும்போது, அதை இறக்கி நெய் தடவிய தட்டில் கொட்டவும்.
* தட்டில் கொட்டிய மைசூர்பா கலவையை ஒரு நெய் தடவிய கரண்டியால் சீராகப் பரத்தி ஓரங்களை அழுத்தி விட்டு மேல் பாகத்தை தடவி வழவழப்பாக்வும்.
* பின்னர் இது நன்கு ஆறிய பின் நமக்கு தேவையான வடிவத்தில் வெட்டி மைசூர்பா வை பரிமாறலாம்.