வாழைத்தண்டு துவையல் செய்வது எப்படி

வாரம் ஒருமுறை வாழைத்தண்டு சமைத்து சாப்பிடுவது நல்லது. இப்போது வாழைத்தண்டு துவையல் செய்வது எப்படி என்று பார்க்கலாம்.

வாழைத்தண்டு துவையல் செய்வது எப்படி
தேவையான பொருட்கள் :

வாழைத்தண்டு – பெரியது 1,
உளுத்தம்பருப்பு – ஒரு டேபிள்ஸ்பூன்,
காய்ந்த மிளகாய் – 4,
புளி – கொட்டைப்பாக்கு அளவு,
பெருங்காயத்தூள் – கால் டீஸ்பூன்,
எண்ணெய் – ஒரு டீஸ்பூன்,
உப்பு – தேவையான அளவு.

செய்முறை :

* வாழைத்தண்டை நார் நீக்கி பொடியாக நறுக்கி கொள்ளவும்.

* கடாயில் அரை டீஸ்பூன் எண்ணெய் விட்டு உளுத்தம்பருப்பு, காய்ந்த மிளகாய், பெருங்காயத்தூள் போட்டு வறுத்து, தனியாக வைத்துக் கொள்ளவும்.

* மறுபடியும் அரை டீஸ்பூன் எண்ணெய் விட்டு, அதில் வாழைத்தண்டை போட்டு நன்றாக வதக்கி ஆற வைக்கவும்.

* மிக்சியில் வறுத்த பருப்பு வகைகளை போட்டு நன்கு பொடித்த பின் வாழைத்தண்டு, உப்பு, புளி, சிறிது தண்ணீர் தெளித்து கெட்டியாக அரைத்துக் கொள்ளவும்.

* சுவையான வாழைத்தண்டு துவையல் ரெடி!

குறிப்பு: வாழைத்தண்டில் தண்ணீர் இருப்பதால் அரைப்பதற்கு நீர் அதிகம் தேவைப்படாது.