சின்ன வெங்காயம் உடலுக்கும் மிகவும் நல்லது. வெங்காய சாதம் செய்வது மிகவும் சுலபம். இதை எப்படி செய்வது என்று பார்க்கலாம்.
சத்தான வெங்காய – மிளகு சாதம் செய்வது எப்படி
தேவையான பொருட்கள் :
சாதம் – ஒரு கப் (உதிரியாக வடித்தது)
சின்ன வெங்காயம் – 50 கிராம்
பச்சை மிளகாய் – ஒன்று
மிளகுதூள் – தேவைக்கு
கரம் மசாலா – ஒரு தேக்கரண்டி
உப்பு, எண்ணெய் – ஒரு மேசைக்கரண்டி
கொத்தமல்லி – சிறிதளவு
தாளிக்க :
கடுகு, கறிவேப்பிலை, சீரகம், கடலைப்பருப்பு, வேர்க்கடலை.
செய்முறை :
* வெங்காயம், பச்சை மிளகாய், கொத்தமல்லியை பொடியாக நறுக்கி வைக்கவும்.
* பாத்திரத்தில் எண்ணெய் விட்டு காய்ந்ததும் கடுகு, கறிவேப்பிலை, சீரகம், கடலைப்பருப்பு, வேர்க்கடலை போட்டு தாளித்த பின் வெங்காயம், பச்சை மிளகாய் சேர்த்து வதக்கவும்.
* இதில் சிறிது உப்பு (வெங்காயத்துக்கு மட்டும்), கரம் மசாலா, மிளகுதூள் சேர்த்து வதக்கவும்.
* பச்சை வாசம் போக வதங்கியதும் வடித்த சாதம் கலந்து அழுத்தி மிதமான தீயில் 5 நிமிடம் மூடி வைக்கவும்.
* கடைசியாக கொத்தமல்லி தூவி இறக்கவும்.
* சுவையான வெங்காய – மிளகு சாதம் தயார். 