கலந்த சத்து மாவு பர்பி

இது ஒரு கிராமத்து டிஷ்.

என்னென்ன தேவை?

வரகு, சாமை,
தினை, கம்பு, சோளம் தனித்தனியாக
மாவாக அரைத்து அல்லது
இவை எல்லாம் கலந்த
ரெடிமேட் மாவு – 2 கப்,
நாட்டுச்சர்க்கரை – 1 கப்,
சூடான பால் – 1 கப்,
நெய் – 1 கப்,
ஏலக்காய்த்தூள் – ஒரு சிட்டிகை,
உடைத்த முந்திரி – சிறிது

எப்படிச் செய்வது?

அடிகனமான பாத்திரத்தில் சிறிது நெய் விட்டு மாவை லேசாக பொன்னிறமாக நெய் பிரிந்து வரும் வரை வறுக்கவும். இத்துடன் பதப்படுத்திய சுத்தமான நாட்டுச்சர்க்கரை, கெட்டியான பால், முந்திரி சேர்த்து நன்றாக கிளறவும். மிதமான தீயில் கைவிடாமல் கிளறிக் கொண்டே, இடை இடையே நெய் விடவும். இது சிறிது சுருண்டு வரும் போது ஏலக்காய்த்தூள், முந்திரி சேர்த்து இறக்கி நெய் தடவிய தட்டில் ஊற்றி ஆறிய பின் வில்லைகளாக வெட்டவும்.