சுவையான சத்தான ஸ்வீட் கார்ன் சூப்

வழக்கமாக நாம் ஹோட்டலில் குடிக்கும் ஸ்வீட் கார்ன் சூப்பை வீட்டிலேயே எளிய முறையில் செய்யலாம்.

சுவையான சத்தான ஸ்வீட் கார்ன் சூப்
தேவையான பொருட்கள் :

சோளம் – 4,
வெங்காயம் – 1,
வெண்ணெய் – 1 டேபிள் ஸ்பூன்,
பால் – 1 கப்,
அஜினோ மோட்டோ – அரை டீஸ்பூன்,
வெள்ளை மிளகுத்தூள் – தேவையான
உப்பு, சர்க்கரை – தேவையான அளவு,
சோயா சாஸ் – சில துளிகள்,
இஞ்சி – ½ அங்குலத்துண்டு.

செய்முறை :

* வெங்காயத்தை பொடியாக நறுக்கி கொள்ளவும்.

* சோளத்தை உரித்து, பெரிய கண் உடைய துருவியில் லேசாகத் துருவிக்கொள்ளவும்.

* அடுப்பில் கடாய் வைத்து வெண்ணெய் போட்டு சூடானதும் வெங்காயத்தை போட்டு வதக்கவும்.

* குக்கரில் துருவிய சோளத்தை போட்டு அதனுடன் பால், தண்ணீர், வதக்கிய வெங்காயம், இஞ்சி சேர்த்து பிரஷர் குக்கரில் பத்து நிமிடங்கள் சோளம் நன்கு வேகும் வரையில் வெயிட் போட்டு வேகவிடவும்.

* வெந்தபின் ஆறவைத்து, இஞ்சித்துண்டை எடுத்துவிடவும்.

* வேகவைத்த முழு சோள மணிகள் இரண்டு டேபிள்ஸ்பூன் அளவுக்குத் தனியே எடுத்து வைக்கவும்.

* மீதமுள்ளவற்றை மிக்ஸியில் போட்டு நைசாக அரைத்து நன்கு வடிகட்டி தேவையான அளவுக்கு தண்ணீர் சேர்த்து கொள்ளவும்.

* உப்பு, சர்க்கரை, சோயா சாஸ், அஜினோ மோட்டோ சேர்த்து அடுப்பில் வைத்து கொதிநிலை வரும்வரை சூடாக்கவும். நடுவே கலந்துவிடவும்.

* வேக வைத்த சோள மணிகளையும் இத்துடன் சேர்த்து இறக்கவும்.

* பரிமாறுவதற்கு முன் மிளகுத்தூள் தூவவும்.

* சுவையான சத்தான ஸ்வீட் கார்ன் சூப் ரெடி.