சுவையான சத்தான காளான் மிளகு வறுவல் செய்வது எப்படி என்று பார்க்கலாம்.
சுவையான சத்தான காளான் மிளகு வறுவல்
தேவையான பொருட்கள் :
காளான் – 250 கிராம்
சின்ன வெங்காயம் – 50 கிராம்
தக்காளி – 1
இஞ்சி பூண்டு பேஸ்ட் – 1 டீஸ்பூன்
மிளகு தூள்- 1 1/2 டீஸ்பூன்
உப்பு – தேவையான அளவு
தாளிப்பதற்கு :
கடுகு – 1/2 டீஸ்பூன்
உளுத்தம் பருப்பு – 1/2 டீஸ்பூன்
சீரகம் – 1/2 டீஸ்பூன்
கறிவேப்பிலை – சிறிது
எண்ணெய் – தேவையான அளவு
செய்முறை :
* முதலில் காளானை பொடியாக நறுக்கி, சுடுநீரில் போட்டு ஒருமுறை அலசிக் கொள்ள வேண்டும்.
* ஒரு வாணலியை அடுப்பில் வைத்து, அதில் எண்ணெய் ஊற்றி காய்ந்ததும், தாளிப்பதற்கு கொடுத்துள்ள பொருட்களை சேர்த்து தாளிக்க வேண்டும்.
* பின்பு அதில் வெங்காயத் போட்டு வதக்கிய பின்னர், இஞ்சி பூண்டு பேஸ்ட் சேர்த்து நன்கு பொன்னிறமாக வதக்கவும்.
* இஞ்சி பூண்டு பச்சை வாசனை போனவுடன் தக்காளி சேர்த்து நன்கு வதக்க வேண்டும்.
* பிறகு அதில் மிளகு தூள் மற்றும் உப்பு சேர்த்து நன்கு வதக்கி, காளான் சேர்த்து சிறிது தண்ணீர் ஊற்றி, மசாலா அனைத்தும் காளானுடன் ஒன்று சேர வாணலியை மூடி, 10 நிமிடம் வேக வைத்து இறக்கினால், காளான் மிளகு வறுவல் ரெடி!!!