குழந்தைகளுக்கு மாலை நேரங்களில் இந்த மினி பொடி இட்லி செய்து கொடுத்தால் விரும்பி சாப்பிடுவார்கள். இதை எப்படி செய்வது என்று பார்க்கலாம்.
மினி பொடி இட்லி செய்வது எப்படி
தேவையான பொருட்கள் :
இட்லி மாவு – 2 கப்,
இட்லி மிளகாய்ப் பொடி – 2 டேபிள்ஸ்பூன்,
கறிவேப்பிலை – சிறிது,
எலுமிச்சம்பழச் சாறு (விருப்பப்பட்டால்) – ஒரு டேபிள்ஸ்பூன்.
தாளிக்க:
கடுகு – அரை டீஸ்பூன்,
சீரகம் – அரை டீஸ்பூன்,
பொடியாக நறுக்கிய பூண்டு – 2 டீஸ்பூன்,
எண்ணெய் – 2 டேபிள்ஸ்பூன்.
செய்முறை:
* இட்லி மாவை மினி இட்லி தட்டில் ஊற்றி, சிறு சிறு இட்லிகளாக ஊற்றி வேக வைத்து கொள்ளவும்.
* கடாயில் எண்ணெயைக் காயவைத்து, கடுகு, உளுத்தம்பருப்பு, பூண்டு போட்டு தாளித்த பின் அதில் இட்லி மிளகாய்ப் பொடியையும் சேர்த்து அடுப்பை அணைத்துவிடுங்கள்.
* பிறகு, இந்தக் கலவையில் இட்லிகளைப் போட்டு, கறிவேப்பிலை, எலுமிச்சம்பழச் சாறு சேர்த்து நன்கு கிளறி இறக்கி பரிமாறுங்கள்.
* சுவையான மினி பொடி இட்லி ரெடி.