வளரும் குழந்தைகளுக்கு நெய் சேர்த்த உணவுகளை கொடுக்கவேண்டும். நெய்சாதம் ஊட்டச்சத்து மிக்கது. எளிதில் செய்யலாம்.
குழந்தைகளுக்கு விருப்பமான நெய் சாதம்
தேவையான பொருட்கள் :
பொன்னி அரிசி – கால் கிலோ
நெய் – 100 கிராம்
பட்டை – 3 துண்டுகள் (சிறியது)
கிராம்பு – 4
ஏலக்காய் – 2
பூண்டு – 7 பல்
பிரியாணி இலை – 1
கறிவேப்பிலை – ஒரு கொத்து
முந்திரி, திராட்சை – தேவைக்கு
செய்முறை :
* அரிசியை 20 நிமிடம் ஊற வைத்து கழுவி வடித்து கொள்ளவும்.
* பூண்டை தோல் உரித்து தட்டிக் கொள்ளவும். ஏலக்காயை லேசாக தட்டிக் கொள்ளவும்.
* அடுப்பில் குக்கரை வைத்து நெய் ஊற்றி சூடானதும் ஏலக்காய், பட்டை, கிராம்பு, கறிவேப்பிலை, சேர்த்து தாளித்த பின் முந்திரி, திராட்சை சேர்க்கவும்.
* அடுத்து அதில் வடிகட்டிய அரிசியை போட்டு 5 நிமிடம் கிளறவும்.
* இதனுடன் ஒரு பங்கு அரிசிக்கு இரண்டரை பங்கு தண்ணீர் ஊற்றி தேவையான அளவு உப்பு சேர்த்து, குக்கர் மூடி போடவும். விசில் போடாமல் மிதமான தீயில் 10 நிமிடம் வேகவைக்கவும். பத்துநிமிடம் கழித்து சாதம் குழையும் முன் இறக்கி வைக்கவும்.
* சுவையான நெய் சாதம் தயார்.
* இதனுடன் சைடு டிஸ்சாக குருமா, ரைத்தா தொட்டுக்கொள்ளலாம்.