மீல் மேக்கரில் விதவிதமாக சமைக்கலாம். இப்போது சுவையான மீல் மேக்கர் கிரேவி செய்வது எப்படி என்று பார்ப்போம்.
மீல் மேக்கர் கிரேவி செய்முறை விளக்கம்
தேவையான பொருட்கள் :
மீல் மேக்கர் – 20 (எண்ணிக்கையில்)
சின்ன வெங்காயம் – 15
தக்காளி – 2
தேங்காய் – கால் கப்
இஞ்சி பூண்டு விழுது – தேவைக்கு
மிளகாய் தூள் – தேவைக்கு
பச்சை மிளகாய் – 3
பட்டை – 3 துண்டு
கிராம்பு – 4
மஞ்சள் தூள் – கால் தேக்கரண்டி
உப்பு – தேவைக்கு
எண்ணெய் – தேவைக்கு
செய்முறை :
* முதலில் மீல் மேக்கர் முழ்கும் அளவு தண்ணீரை கொதிக்க வைத்து மீல் மேக்கரை அதில் 20 நிமிடம் ஊற வைக்க வேணடும்.
* மிக்ஸியில் தக்காளி, வெங்காயத்தை தனித்தனியாக அரைத்து கொள்ளவும்.
* தேங்காயை விழுதாக அரைத்து எடுத்துக் கொள்ளவும்.
* வாணலியில் எண்ணெய் ஊற்றி காய்ந்ததும் பட்டை, கிராம்பு போட்டு தாளித்து இஞ்சி பூண்டு விழுதை போட்டு 2 நிமிடம் வதக்கவும்.
* அதனுடன் வெங்காய விழுதை போட்டு 3 நிமிடம் வதக்கவும்.
* வெங்காயம் வதங்கி நிறம் மாறியவுடன் அதில் தக்காளி விழுதையும் சேர்த்து மீண்டும் 3 நிமிடம் வதக்கவும்.
* பச்சை மிளகாய் போட்டு வதக்கி விட்டு மஞ்சள் தூள், மிளகாய் தூள், உப்பு சேர்த்து மீண்டும் நன்றாக வதக்கவும்.
* 3 நிமிடம் கழித்து தண்ணீரில் போட்டு வைத்துள்ள மீல் மேக்கரை நன்றாக தண்ணீரை பிழிந்து விட்டு இந்த கலவையில் போட்டு நன்கு பிரட்டி விடவும்.
* அடுத்து அதில் தேங்காய் விழுது, கால் கப் தண்ணீர் ஊற்றி மூடி மிதமான தீயில் 10 நிமிடம் வேக வைக்கவும்.
* மீல் மேக்கர் கிரேவி கெட்டியாக தண்ணீர் வற்றி ஓரங்களில் எண்ணெய் பிரிந்து வரும் போது கொத்தமல்லி, புதினாவை போட்டு கிளறி இறக்கவும்.
* சுவையான மீல் மேக்கர் கிரேவி ரெடி.