சுவையான தயிர் வடை செய்வது எப்படி என்று பார்க்கலாம்.
சுவையான தயிர் வடை செய்வது எப்படி
தேவையான பொருட்கள் :
உளுத்தம் பருப்பு – 1 கப்
பச்சை மிளகாய் – 2
இஞ்சி – ஒரு சிறு துண்டு
தேங்காய்த்துருவல் – 1 டேபிள்ஸ்பூன்
உப்பு – ருசிக்கேற்றவாறு
எண்ணெய்
தயிர் – 2 கப்
அலங்கரிக்க :
கொத்துமல்லி தழை – சிறிது (பொடியாக நறுக்கியது)
கேரட் துருவல் – 1 டேபிள்ஸ்பூன்
காராபூந்தி அல்லது ஓமப்பொடி – தேவைக்கு
செய்முறை :
* உளுத்தம் பருப்பை 3 மணி நேரம் ஊற வைத்து நன்றாக மை போல் அரைக்கவும். வழித்தெடுக்குமுன் உப்பு சேர்த்து ஒரு சுற்று சுற்றி எடுத்து வைத்துக் கொள்ளவும்.
* தேங்காய்த்துருவல், இஞ்சி, பச்சை மிளகாய் ஆகியவற்றை தனியாக அரைத்துக் கொள்ளவும்.
* தயிரை நன்றாகக் கடைந்து, அத்துடன் அரைத்த தேங்காய் விழுது, ஒரு சிட்டிகை உப்பு சேர்த்து கலந்து தனியாக வைத்துக் கொள்ளவும்.
* வாணலியில் எண்ணெய் ஊற்றி சூடானதும் எலுமிச்சம் பழ அளவு மாவை எடுத்து உருட்டி, இலேசாக விரல்களால் அழுத்தி நடுவில் துளையிட்டு எண்ணெயில் போட்டு பொன்னிறமாக பொரித்தெடுக்கவும்.
* பொரித்தெடுத்த வடையை குளிர்ந்த நீரில் போட்டு ஓரிரு நிமிடங்கள் கழித்து வெளியே எடுத்து இலேசாக கைகளால் அழுத்தி அதிலுள்ள நீரை அகற்றி விட்டு தயிரில் போட்டு 20 முதல் 30 நிமிடங்கள் ஊற விடவும்.
* பரிமாறும் முன் அதன் மேல் காராபூந்தி அல்லது ஓமப்பொடி, கேரட், கொத்துமல்லித்தழைத் தூவி பரிமாறவும்.