கிருஷ்ணகிரி மாவட்டம் ஊத்தங்கரை தாலுகாவில் உள்ள மூங்கிலேரியை சேர்ந்தவர் காளிதாஸ், 23. கட்டட வடிவமைப்பாளர். இவருக்கு திருமணமாகி மனைவி உள்ளார். இந்த தம்பதிக்கு ஒன்றரை வயதில் பெண் குழந்தை உள்ளது. சுமார் எட்டு மாதங்களுக்கு முன்பு, 16 வயது ப்ளஸ் டூ மாணவர் ஒருவர் திரு காளிதாஸின் வீட்டிற்கு தனது குழந்தையைச் சந்திக்க வந்தார். பின்னர் மாணவியை காளிதாஸ் பலாத்காரம் செய்துள்ளார். மேலும் இதை யாரிடமாவது சொன்னால் கொன்று விடுவதாகவும் மிரட்டியுள்ளார். இதனால் பயந்துபோன மாணவி, இதுகுறித்து யாரிடமும் கூறவில்லை.
இந்த நிலையில் அந்த மாணவியின் உடல் நிலையில் மாற்றம் ஏற்பட்டது. இதையடுத்து பெற்றோர் அவரை மருத்துவமனைக்கு அழைத்து சென்று காட்டினார்கள். அப்போது மாணவி 8 மாதம் கர்ப்பமாக இருப்பதாக டாக்டர்கள் தெரிவித்தனர். இதைக்கேட்டு அதிர்ச்சி அடைந்த பெற்றோர் விசாரித்த போது காளிதாஸ் மாணவியை பலாத்காரம் செய்தது தெரியவந்தது. இது தொடர்பாக மாணவியின் பெற்றோர் ஊத்தங்கரை அனைத்து மகளிர் போலீஸ் நிலையத்தில் புகார் செய்தனர். அதன்பேரில் போலீசார் விசாரணை நடத்தி, பிளஸ்-2 மாணவியை பலாத்காரம் செய்து கர்ப்பமாக்கிய காளிதாசை அதிரடியாக கைது செய்தனர்.