எந்த நேரத்திலும் தேர்தலில் போட்டியிட தயாராக இருக்க வேண்டும் என விஜய் மக்கள் இயக்கத்தின் மாவட்ட நிர்வாகியிடம் நடிகர் விஜய் கூறியதாக சமீபத்தில் தகவல் வெளியானது.
இதையடுத்து இன்னும் ஒரு மாதத்தில் அரசியல் கட்சி தொடங்குவார் என விஜய் மக்கள் இயக்க மூத்த தலைவர்கள் நம்பிக்கை தெரிவித்தனர்.
திரு.விஜய் கடந்த ஆண்டு முதல் அரசியல் களத்தில் தீவிரமாக களமிறங்கினார். குறிப்பாக 10 மற்றும் 12 ஆம் வகுப்பு பொதுத்தேர்வில் சிறந்த பெறுபேறுகளை பெற்ற 234 தொகுதிகளை சேர்ந்த மாணவர்களை நேரில் அழைத்து பரிசில்கள் வழங்கி கௌரவிக்கப்பட்டனர்.
இதைத்தொடர்ந்து சமீபத்தில் புயலால் கடுமையாக பாதிக்கப்பட்ட தூத்துக்குடி மற்றும் நெல்லை மாவட்ட மக்களை திரு.விஜய் நேரில் சென்று பார்வையிட்டு நிவாரண பொருட்கள் மற்றும் பொருட்களை வழங்கினார்.
எதிர்காலத்தில் அரசியலுக்கு வரவிருக்கும் திரு.விஜய் தலைமையில் சமீபத்தில் ஆலோசனை கூட்டம் நடைபெற்றது. இதன் மூலம் அவர் அரசியலுக்கு வருவது உறுதியானது.
இந்த நிலையில், அவர் அரசியலுக்கு வந்தால் கட்சி பெயர் என்ன வைப்பார் என பேசப்பட்டு வந்த நிலையில், தமிழக முன்னேற்ற கழகம் என தகவல் இணையத்தில் தீயாய் பரவி வருகிறது. ஆனால் இன்னும் விஜய் இது குறித்த அதிகாரப்பூர்வ அறிவிப்பை வெளியிடவில்லை.