நடிகர் பிரபுவின் மகள் ஐஸ்வர்யா இளம் இயக்குனரை 2வது திருமணம் செய்ய இருப்பதாகவும் செய்திகள் வெளியாகியுள்ளன. மேலும் இரு வீட்டாரும் சம்மதித்து திருமண தேதியும் நிச்சயிக்கப்பட்டுள்ள நிலையில் திருமண நடவடிக்கைகளில் பிரபு தீவிரம் காட்டி வருவதாகவும் கூறப்படுகிறது. இந்த தகவல் இணையத்தில் பரவியதால், மாப்பிள்ளை யார் என நெட்டிசன்கள் ஆவலுடன் தேடி வருகின்றனர்.
நடிகர் திலகம் சிவாஜியின் பேத்தியை இரண்டாவது திருமணம் செய்ய திட்டமிட்டுள்ள இளம் இயக்குனர் ஆதிக் ரவிச்சந்திரன். திரிஷா இல்லனா நயன்தாரா, அன்பானவன் அசராதவன் அடங்காதவன், பஹீரா மற்றும் மார்க் ஆண்டனிபோன்ற படங்களை இயக்கியவர் நடிகர் அஜித்துடன் அடுத்த மாதம் ஒரு படம் செய்யவுள்ளதாகவும், அடுத்த மாதம் பிரபுவின் மகளை திருமணம் செய்ய இருப்பதாகவும் தகவல்கள் வெளியாகியுள்ளன.
தமிழ் திரையுலகில் வாரிசு நடிகராக அறிமுகமான நடிகர் பிரபு, பி.வாசு இயக்கிய ‘சின்னத் தம்பி’ படத்தின் மூலம் ரசிகர்களின் மனதில் இடம் பிடித்தார். தற்போது, பிரபுவுக்கு விக்ரம் பிரபு என்ற மகனும், விளம்பரங்கள் மற்றும் குணச்சித்திர வேடங்களில் நடிக்கும் ஐஸ்வர்யா என்ற மகளும் உள்ளனர். மகன் விக்ரம் பிரபு வித்தியாசமான கதையைத் தேர்ந்தெடுத்து சினிமாவில் கவனம் செலுத்துகிறார்.
மகள் ஐஸ்வர்யா 2009ல் தனது உறவினரான குணாலை திருமணம் செய்து கொண்டார். தம்பதிகள் அமெரிக்காவில் குடியேறி ஒன்றாக வாழ்ந்தனர். பின்னர் இருவருக்கும் இடையே கருத்து வேறுபாடு காரணமாக விவாகரத்து பெற்ற ஐஸ்வர்யா தற்போது தனது தந்தை பிரபுவுடன் சென்னையில் வசித்து வருகிறார்.
பின்னர் ஐஸ்வர்யாவும் பிரபல திரைப்பட இயக்குனர் ஆதிக் ரவிச் சந்திராவும் காதலித்து வந்தனர். இந்நிலையில், இரு வீட்டாரும் இவர்களின் காதலுக்கு பச்சைக்கொடி காட்டி, அடுத்த மாதம் 15ம் தேதி திருமண தேதியை நிர்ணயம் செய்தனர். இந்த தகவல் இணையத்தில் வேகமாக பரவி வருகிறது.