தென்னிந்திய திரையுலகில் முன்னணி நடிகையாக வலம் வரும் சமந்தா தனது இன்ஸ்டாகிராம் பக்கத்தில் கிரையோதெரபி செய்து கொள்ளும் புகைப்படத்தை வெளியிட்டு இணையத்தில் பரபரப்பாக பேசப்பட்டு வருகிறது.
நடிகை சமந்தா சமீபத்தில் தமிழ் மற்றும் தெலுங்கில் பல வெற்றிப் படங்களைக் கொடுத்துள்ளார், மேலும் கதாநாயகி சார்ந்த படங்களில் நடித்துள்ளார், இருப்பினும் அவரது சமீபத்திய படங்கள் யசோதா மற்றும் சகுதளம் போன்றவை வெற்றிபெறவில்லை, அதே நேரத்தில் விஜய் தேவரகொண்டாவுடன் இணைந்து நடித்த அவரது சமீபத்திய படம் ‘குஷி’ நேர்மறையான விமர்சனங்களைப் பெற்றது.
இந்நிலையில், சமந்தா கடந்த சில மாதங்களாக மயோசிட்டிஸ் நோயால் பாதிக்கப்பட்டு தீவிர சிகிச்சையில் உள்ளார். இதனால், புதிய படங்களில் நடிக்காமல் இருந்த சமந்தா, பல மாதங்களாக அமெரிக்காவில் சிகிச்சை பெற்று, தற்போது ஐதராபாத்தில் சிகிச்சை பெற்று வருகிறார். சமூக வலைதளங்களில் ஆக்டிவாக இருக்கும் சமந்தா தொடர்ந்து புகைப்படங்கள் மற்றும் வீடியோக்களை பதிவிடுகிறார்.
தனது ஆடை வியாபாரம், தான் கலந்து கொள்ளும் நிகழ்வுகள், உடற்பயிற்சிகள் தொடர்பான புகைப்படங்களை வெளியிட்டு வரும் சமந்தா, சமீபத்தில் கிரையோதெரபி செய்து கொள்ளும் புகைப்படத்தை வெளியிட்டார். அவர் தற்போது மயோசிடிஸ் நோயிலிருந்து மீண்டு வருவதாகவும் அந்த பதிவில் குறிப்பிடப்பட்டுள்ளது. சமந்தாவின் நீராவி குளியல் புகைப்படங்கள் இணையத்தில் வைரலாகி வருகிறது, மேலும் அவர் விரைவில் குணமடைய பலரும் வாழ்த்து தெரிவித்து வருகின்றனர்.