பிரபு சாலமன் இயக்கத்தில் விக்ரம் பிரபு நடிப்பில் தமிழில் வெளியான ‘கும்கி’ படத்தின் மூலம் அறிமுகமானவர் நடிகை லட்சுமி மேனன் (27). சு சுந்தரபாண்டியன், குட்டி புலி, மஞ்சப்பை, நான் சிகப்பு மனிதன், ஜிகர்தண்டா, மிருதன் போன்ற படங்களில் நடித்து பல இளைஞர்களின் கனவுக் கன்னியாக மாறினார்.
பின்னர் உயர் படிப்பைத் தொடர பல வருடங்கள் திரைப்படங்களில் இருந்து ஓய்வு எடுத்தார். அதன் பிறகு விக்ரம் பிரபு நடித்த ‘புலிக்குத்தி பாண்டி’ படத்தில் நடித்தார்.
இந்நிலையில், தற்போது பட வாய்ப்புகள் கிடைக்காமல் தவித்து வரும் நடிகை லட்சுமி மேனன், யோகி பாபுவின் மனைவியாக நடிக்கும் புதிய படத்தில் கதாநாயகியாக நடிக்க ஒப்பந்தமாகியுள்ளதாக கூறப்படுகிறது. யோகி பாபு நடித்த மண்டேலா திரைப்படம் ரசிகர்களிடம் நல்ல வரவேற்பை பெற்றது.
எனவே, யோகி பாபு மீண்டும் ஹீரோவாக நடிக்கவுள்ளார். இந்தப் படமும் கிராமத்து பின்னணியில் உருவாகும் என்று தெரிகிறது. தற்போது இப்படத்திற்கான பேச்சுவார்த்தை நடைபெற்று வருவதாகவும், விரைவில் இதுகுறித்த அதிகாரப்பூர்வ அறிவிப்பு வெளியாகும் என்றும் கூறப்படுகிறது.
படத்தின் வெற்றிக்கு ரசிகர்கள் பலரும் யோகி பாபு மற்றும் லட்சுமிக்கு வாழ்த்து தெரிவித்துள்ளனர்.