வெந்தயக் கீரை ரசம்

வெந்தயக் கீரை ரசம் பசியை தூண்டும், தொண்டை புண்ணை ஆற்றும் மருத்துவ குணம் கொண்டது.

தேவையானப் பொருட்கள்:

வெந்தயக்கீரை – ஒரு சிறு கட்டு
தக்காளி – ஒன்று
புளி – நெல்லிக்காய் அளவு
மிளகு, சீரகத்தூள் – ஒரு டீஸ்பூன்
பூண்டு – 4 பல்
காய்ந்த மிளகாய் – 3
மஞ்சள்தூள், பெருங்காயம், மல்லித்தழை, கறிவேப்பிலை, உப்பு – தேவையான அளவு

செய்முறை:

• வெந்தயக்கீரையை சுத்தம் செய்து கொள்ளவும்.

• பூண்டை நறுக்கி கொள்ளவும்.

• தக்காளியை பொடியாக நறுக்கி வெட்டிக் கொள்ளவும்.

• ஒரு பாத்திரத்தில் தக்காளி, உப்பு, மஞ்சள்தூள், பெருங்காயம், கறிவேப்பிலை, மல்லித்தழை, காய்ந்த மிளகாய், நசுக்கிய பூண்டு, புளிக்கரைசல் சேர்த்துக் கரைத்து கொதிக்க விடவும்.

• வேறொரு பாத்திரத்தில் சுத்தம் செய்த வெந்தயக்கீரை போட்டு கீரை மூழ்கும் வரை நீர் விட்டு நன்கு கொதிக்க விட்டு இறக்கி, கொதிக்கும் ரசத்துடன் சேர்த்துக் கலக்கவும்.

• மிளகு – சீரகத்தூள் சேர்த்து மீண்டும் கலக்கவும்.

• ரசத்தை கொதிக்க விடக் கூடாது. நுரைத்து வந்தவுடனேயே இறக்கி பரிமாறலாம்.