தேவையானவை:
தக்காளி – 5
சின்ன வெங்காயம் – 10
காய்ந்த மிளகாய் – 8
உப்பு – தே.அளவு
கடுகு – அரை டீஸ்பூன்
உளுந்து – கால் டீஸ்பூன்
கறிவேப்பிலை – சிறிதளவு
பெருங்காயம் – 1 சிட்டிகை
எண்ணெய் – 2 டேபிள்ஸ்பூன்
செய்முறை:
காய்ந்த மிளகாயுடன் உப்பு சேர்த்து மிக்ஸியில் நன்றாக அரைக்கவும். தக்காளியுடன் மிளகாயை அரைத்தால் திப்பி திப்பியாக வரும். இத்துடன் தக்காளியை சேர்த்து அரைத்து பிறகு சின்ன வெங்காயத்தை சேர்த்து அரைக்கவும். வாணலியில் எண்ணெய் சேர்த்து சூடானதும் கடுகு, உளுந்து, கறிவேப்பிலை சேர்த்து தாளித்து அரைத்து வைத்திருக்கும் தக்காளி கலவையை சேர்த்து பச்சை வாசனை போக லேசாக வதக்கவும். கொதி வந்தது, பெருங்காயத்தை சேர்த்து சிறிது நேரம் கிளறி இறக்கி பரிமாறவும்.
