உருளைக்கிழங்கு சட்னி

தேவையான பொருட்கள் :

உருளைக்கிழங்கு – 1
பெரிய வெங்காயம் – 1
மிளகாய் தூள் – 1 தேக்கரண்டி
தண்ணீர் – 1/2 கப்
உப்பு – சுவைக்கு

அரைக்க :

பெரிய வெங்காயம் – 1
தக்காளி – 2
பூண்டு – 4 பல்
சிகப்பு மிளகாய் – 2

தாளிக்க :

சமையல் எண்ணெய் – 1/2 டீஸ்பூன்
எள்ளு – 1/2 டீஸ்பூன்
கடுகு – 1/2 தேக்கரண்டி
கறிவேப்பிலை – ஒரு சிறிய குச்சி
பெருங்காயத்தூள் – ஒரு சிறிய சிட்டிகை

செய்முறை :

* வெங்காயம், தக்காளி, உருளைக்கிழங்கை பொடியாக நறுக்கி கொள்ளவும்.

* அரைக்க கொடுக்கப்பட்டுள்ள பொருட்களை மிக்சியில் போட்டு நைசாக அரைத்து கொள்ளவும்

* கடாயில் சிறிது எண்ணெய் ஊற்றி அதில் வெங்காயத்தைபோட்டு வதக்கவும். வெங்காயம் சிறிது வதங்கியதும் அரைத்து கலவை, மிளகாய் தூள் போட்டு 3 நிமிடம் வதக்கிய பின்னர் உருளைக்கிழங்கு, உப்பை போட்டு வதக்கவும்.

* பின்னர் அதில் தண்ணீர் அரை கப் ஊற்றி மிதமான தீயில் கடாயை மூடிவைத்து வேக வைக்கவும்..

* நன்றாக வெந்த தண்ணீர் நன்றாக வற்றி மசாலா வாசனை போனவுடன் இறக்கி வைக்கவும்.

* மற்றொரு கடாயில் சிறிது எண்ணெய் ஊற்றி எள்ளு, கடுகு, கறிவேப்பிலை, பெருங்காயத்தூள் சேர்த்து தாளித்து உருளைக்கிழங்கு கலவையில் கொட்டி கிளறவும்.

* சுவையான உருளைக்கிழங்கு சட்னி ரெடி. இது சப்பாத்தி, பூரி, தோசை, தயிர் சாதம், சாம்பார் சாதத்துடன் சாப்பிட சுவையாக இருக்கும்.