‘ரூபிள் மட்டுமே ஏற்கப்படும்’ எதிரி நாடுகள் மீது இடியை இறக்கிய புடின் -வெளிவந்த தகவல் !

மேற்கத்திய நாடுகளுக்கு ஒரு பெரிய அடியாக, ஜனாதிபதி விளாடிமிர் புடின், “நட்பற்ற” நாடுகளுக்கு எரிவாயு விநியோக செய்ய ரூபிள் மட்டுமே ரஷ்யா ஏற்கும் என்று கூறியுள்ளார்.

ரஷ்ய எரிவாயு மீதான தடைகள் அறிவிக்கப்பட்ட போதிலும், பல ஐரோப்பிய நாடுகள் மாஸ்கோவிலிருந்து உக்ரைன் வழியாக எண்ணெய் இறக்குமதி செய்து வருகின்றன. ரஷ்ய எரிசக்தி நிறுவனமான Gazprom, மார்ச் 21-ஆம் திகதி மட்டும் 104.7 மில்லியன் கன மீட்டர் எண்ணெய் கோரிக்கைகள் வந்ததாக தெரிவித்துள்ளது.

இந்நிலையில், எரிவாயு விற்பனைக்கு ரூபிள் மட்டுமே ஏற்கப்படும் எனும் புடினின் சமீபத்திய அறிவிப்பு ஐரோப்பாவை கடுமையாக பாதிக்கும் என்று எதிர்பார்க்கப்படுகிறது.

போரும் வேண்டாம் புடினும் வேண்டாம்! ரஷ்யாவை விட்டு வெளியேறிய ஆலோசகர்

“நட்பற்ற நாடுகளுக்கு எங்கள் எரிவாயு விநியோகத்திற்கான கட்டணத்தை ரஷ்ய ரூபிள்களுக்கு மாற்றுவதற்கான நடவடிக்கைகளைச் செயல்படுத்த நான் முடிவு செய்துள்ளேன்” என்று புடின் ஒரு தொலைக்காட்சி அரசாங்கக் கூட்டத்தில் கூறினார், மேலும் இந்த மாற்றங்களை ஒரு வாரத்திற்குள் செயல்படுத்த உத்தரவிட்டுள்ளார்.

[penci_related_posts dis_pview=”no” dis_pdate=”no” title=”” background=”” border=”” thumbright=”no” number=”4″ style=”list” align=”none” withids=”” displayby=”recent_posts” orderby=”rand”]

அரசாங்கமும் மத்திய வங்கியும் இந்த நடவடிக்கைகளை ரஷ்ய நாணயத்திற்கு எவ்வாறு நகர்த்துவது என்பது குறித்த ஒரு தீர்வைக் கொண்டு வருவதற்கு ஒரு வாரம் அவகாசம் இருப்பதாகவும், எரிவாயு ஒப்பந்தங்களில் தொடர்புடைய மாற்றங்களைச் செய்ய காஸ்ப்ரோம் உத்தரவிடப்படும் என்றும் புடின் கூறினார்.

மேற்கு நாடுகள் அறிவித்த பொருளாதாரத் தடைகளை அடுத்து ரஷ்யா “நட்பற்ற” நாடுகளின் பட்டியலைக் கொண்டு வந்தது.

ரஷ்யாவின் நட்பற்ற நாடுகளின் பட்டியலில் அமெரிக்கா, ஐரோப்பிய ஒன்றிய உறுப்பு நாடுகள், பிரித்தானியா, ஜப்பான், கனடா, நார்வே, சிங்கப்பூர், தென் கொரியா, சுவிட்சர்லாந்து மற்றும் உக்ரைன் ஆகியவை அடங்கும்.