உருளைக்கிழங்கு பொடிமாஸ்

தேவையான பொருட்கள்

:

உருளைக்கிழங்கு – 200 கிராம்

மிளகாய்த் தூள் – 1/2 தேக்கரண்டி

மஞ்சள் தூள் – 1/4 தேக்கரண்டி

கரம் மசாலா – 1/2 தேக்கரண்டி

எண்ணெய் – 1 மேஜைக்கரண்டி

உப்பு – தேவையான அளவு

செய்முறை

:

* உருளைக்கிழங்கை நன்கு கழுவி மெல்லியதாகவும், சிறியதாகவும்

நறுக்கி, அதனுடன் மஞ்சள் தூள் சேர்த்து பிசறிக் கொள்ளவும்.

* அடி

கனமான வாணலியை அடுப்பில் வைத்து எண்ணெய் ஊற்றி

காய்ந்ததும், மிளகாய்த் தூள், கரம் மசாலாவைச் சேர்த்து,

அதனுடன் நறுக்கிய உருளைக்கிழங்கையும் சேர்த்து கிளறவும்.

* அடுப்பை மிதமான தீயில் வைத்து, சிறிது தண்ணீர் தெளித்து

கிளறி மூடி வைத்து வேகவிடவும்.

* அரை வேக்காடு வெந்ததும்

உப்பு சேர்த்து அடிப்பிடிக்காமல் இருக்க அடிக்கடி

கிளறி விடவும்.

* அதிகம் வேக விட்டால் கிழங்கு ஒன்றோடு ஒன்று

ஒட்டிக் கொள்ளும். ஆகவே, முக்கால் பதம் வெந்ததும் இறக்கி

வைத்து, ஒரு ஐந்து நிமிடம் மூடி வைத்து பிறகு பரிமாறவும்

* சுவையான உருளைக்கிழங்கு பொடிமாஸ் ரெடி. குழந்தைகளுக்கு இது மிகவும் பிடித்தமானது.