கடலை எண்ணெய் கடலையில் இருந்து தயாரிக்கப்படுகிறது. நிலக்கடலைக்கு கடலை, வேர்க்கடலை, கடலைக்காய், கச்சான், மல்லாட்டை, மல்லாக்கொட்டை, மணிலாக்கொட்டை என பல பெயர்கள் நிலக்கடலைக்கு உண்டு. சமையலில் அதிகம் பயன்படுத்தப்படும் கடலை எண்ணெயில் பல்வேறு அத்தியாவசிய ஊட்டச்சத்துக்கள் உள்ளன.
விலை உயர்ந்த பாதாம், பிஸ்தா மற்றும் முந்திரியை விட இது அதிக சத்தானது. பாதாம் பருப்பை விட வேர்க்கடலை ஆரோக்கியத்திற்கு மிகவும் நன்மை பயக்கும் என்று ஆய்வுகள் தெரிவிக்கின்றன.
இதில் உள்ள ஊட்டச்சத்துக்கள் காரணமாக, அமெரிக்கா மற்றும் மேற்கத்திய நாடுகளில் பயன்படுத்தப்படும் உணவுப் பட்டியலில் இது முக்கிய இடத்தைப் பிடித்துள்ளது.
பித்தப்பை கற்களை கரைக்கும்
தினமும் 1 அவுன்ஸ் (30 கிராம்) வேர்க்கடலை சாப்பிட்டு வந்தால் பித்தப்பையில் கற்கள் வராமல் தடுக்கலாம். 20 வருட பின்தொடர்தல் ஆய்வில், பித்தப்பையில் கற்கள் உருவாகும் வாய்ப்பு 25% குறைந்துள்ளது.
நல்ல கொழுப்பு
இரத்த அழுத்தம் கடலை எண்ணெயில் மோனோசாச்சுரேட்டட் கொழுப்புகள் எனப்படும் நல்ல கொழுப்புகள் நிறைந்துள்ளன. இந்த கொழுப்பு உடலில் இரத்த ஓட்டத்தை சீராக வைக்கிறது.
வலுவான தசைகள்
வேர்க்கடலையில் உள்ள பி வைட்டமின்கள் உடலுக்கு ஆற்றலை வழங்குகின்றன. தசை வளர்ச்சிக்கும் இது அவசியம். உடல் வளர்ச்சியை அதிகரிக்கிறது. இது ஒரு சிறந்த ஆற்றல் உணவு, குறிப்பாக உடற்பயிற்சி செய்பவர்களுக்கு.
நினைவாற்றலை அதிகரிக்கும்
இதில் உள்ள வைட்டமின் பி3 மூளையின் செயல்பாட்டை தூண்டுகிறது மற்றும் நினைவாற்றலை மேம்படுத்த உதவுகிறது. வேர்க்கடலை மூளை வளர்ச்சிக்கு நல்ல டானிக் போன்றது.
மன அழுத்தத்தை போக்க
வேர்க்கடலையில் டிரிப்டோபான் என்ற அத்தியாவசிய அமினோ அமிலம் நிறைந்துள்ளது. மூளையைத் தூண்டும் நரம்பியக்கடத்தியான செரோடோனின் வெளியிட உதவுகிறது. இதனால் மன அழுத்தம் குறைகிறது.