என்னென்ன தேவை?
அரிசி – 1 கப்,
உப்பு – தேவைக்கு,
தக்காளி – 1,
பூண்டு பல் – 10,
மெலிதாக நறுக்கிய நூல்கோல் – 1/4 கப்,
இஞ்சி – 1 சிறிய துண்டு,
மஞ்சள் தூள் – ஒரு சிட்டிகை,
பச்சைமிளகாய் – 2,
எண்ணெய் – 2 டேபிள்ஸ்பூன்,
சோம்பு – 1 டீஸ்பூன், தேங்காய்ப்பால் – 1 கப்,
மல்லித்தழை – சிறிது.
எப்படிச் செய்வது?
குக்கரில் 2 டேபிள்ஸ்பூன் எண்ணெய் விட்டு சோம்பு தாளித்து பச்சை மிளகாய், நூல்ேகால், நறுக்கிய இஞ்சி- பூண்டு, தக்காளி போட்டு வதக்க வேண்டும். மஞ்சள்தூள், உப்பு சேர்த்து 1 கப் தேங்காய்ப்பால், 1 1/2 கப் நீர் விட்டு அரிசியைச் சேர்த்து 2 விசில் வந்ததும் அடுப்பை அணைக்கவும். ஆவி வெளியேறியதும் மல்லித்தழை தூவி அலங்கரிக்கவும்.
குறிப்பு: வெங்காயத்திற்கு பதில் நூல்கோல் சேர்க்கப்பட்டுள்ளது.
