நம் உடலுக்கு தேவையான பல அத்தியாவசிய சத்துகள் நிறைந்த உணவு கம்பு. இதை தினந்தோறும் காலையில் கூழ் அல்லது களியாக சாப்பிட்டு வந்தால் உடலில் கெட்ட கொழுப்புகள் தங்குவதை தடுத்து, தசைகளுக்கு நல்ல இறுக்கத்தை தந்து, உடல் பலத்தை பெருக்கும்.
கம்பை தொடர்ந்து உட்கொண்டு வருபவர்களுக்கு உடலில் நோயெதிர்ப்பு திறன் மேம்பட்டு பல நோய்களிலிருந்து தற்காத்துக் கொள்ளலாம்.
இதவை வைத்து சுவையான லஸ்ஸி தயாரிப்பது எப்படி என தெரிந்து கொள்வோம்.
தேவையான பொருட்கள்
கம்பு மாவு – ஒரு கப்
தயிர் – 3 கப்
இஞ்சி – சிறிய துண்டு
கறிவேப்பிலை – 10 இலைகள்
பச்சை மிளகாய் – 3
உப்பு – தேவைக்கேற்ப.
செய்முறை
கம்பு மாவை வெறும் வாணலியில் லேசாக வறுக்கவும்.
பச்சை மிளகாய், தோல் சீவிய இஞ்சி, கறிவேப்பிலையை சேர்த்து மிக்ஸியில் விழுதாக அரைக்கவும்.
கம்பு மாவை தண்ணீர் விட்டுக் கரைத்து, அடிகனமான பாத்திரத்தில் ஊற்றிக் கிளறி வேகவிடவும்.
மாவு நன்கு வெந்தபின் இறக்கி ஆறவிடவும்.
பிறகு அதனுடன் அரைத்து வைத்திருக்கும் விழுது, தயிர், உப்பு சேர்த்துக் கலந்து பரிமாறினால் சுவையான லஸ்ஸி தயார்.