சுவையான தேங்காய் முறுக்கு

தேவையான விஷயங்கள்:

அரிசி மாவு -4 கப் (நீங்கள் கடையில் வாங்கிய மாவை எடுத்துக் கொள்ளலாம்)

உளுந்து மாவு  -1 / 2 கப்  (உளுந்து எண்ணெய் இல்லாமல் வறுத்து பொடி செய்து கொள்ளவும் )

பொட்டு கடலை மாவு -1 / 2 கப்

ஓமம்  -1 டீஸ்பூன்

வெள்ளை எள்ளு – 1 ஸ்பூன்

பெருங்காய தூள் – 1/2 ஸ்பூன்

நெய் -4 டீஸ்பூன் (விருப்பம் உள்ளவர்கள் வெண்ணை சேர்த்து கொள்ளலாம் )

தேங்காய் -1  (நன்றாக அரைத்து பால் எடுத்து கொள்ளவும்.முதல் பால் இரண்டாம் பால் எல்லாம் எடுத்து கொள்ளவும் .)

சுவைக்க உப்பு

எண்ணெய் முறுக்கு பொறித்து எடுக்க .

செய்முறை:

மேலே சொன்ன பொருட்களை தண்ணீருக்கு பதில் தேங்காய் பால் சேர்த்து பிசைந்து கொள்ளவும் .தேவை என்றால் பிறகு சிறிது தண்ணீர் சேர்த்து கொள்ளவும் .முறுக்கு மாவு அழுத்தமாக இல்லாமல் அதே சமயம் ரொம்ப லூசாகவும் இல்லாமல் பிசைந்து கொள்ளவும் .

எண்ணெய் சுட வைத்து முறுக்காக பிழிந்து பொறித்து எடுக்கவும் .

விரும்பியவர்கள் தேங்காய் பாலுக்கு பதில் தேங்காயயை நன்றாக மைய அரைத்தும் சேர்த்து கொள்ளலாம் .