தேவையான பொருட்கள் :
பச்சரிசி – 3 கப்,
கடலைப் பருப்பு – 1 கப்,
பயத்தம் பருப்பு – 1/4 கப்,
எள் – 1/2 டீஸ்பூன்,
சீரகம் – 1/2 டீஸ்பூன்,
கட்டி பெருங்காயம் – சிறிதளவு,
வெண்ணெய் – 1 டேபிள்ஸ்பூன்,
உப்பு – தேவைக்கு,
எண்ணெய் – பொரிப்பதற்கு.
செய்முறை :
* எள்ளை நன்றாக சுத்தம் செய்து கழுவி தண்ணீர் வடித்து உலர்த்தி வைக்கவும்.
* சுத்தம் செய்து கழுவி காய வைத்த அரிசி, கடலைப் பருப்பு, பயத்தம் பருப்பு மூன்றையும் மெஷினில் மாவாக அரைத்துக் கொள்ளவும்.
* இந்த மாவில் உப்பு, பெருங்காயத்தை தண்ணீரில் கரைத்து ஊற்றவும்.
* பிறகு வெண்ணெய், எள், சீரகம், தேவையான தண்ணீர் ஊற்றி முறுக்கு மாவு பதத்துக்கு பிசையவும்.
* முள் முறுக்கு அச்சில் தேவையான மாவைப் போட்டு காய்ந்த எண்ணெயில் பிழியவும். பொன்னிறமாக பொரித்து எடுக்கவும்.
