பொதுவாக நாம் காலை எழுந்ததும் தேநீர் குடிப்பதை எப்பொழுதும் வழக்கமாக வைத்து இருப்போம்.
இப்படி தினந்தோறும் பயன்படுத்தும் டீ பேக்குகளை பயன்படுத்திய பிறகு தூக்கி எறிந்து விடுவோம். ஆனால் இந்த பழைய டீ பேக்குகளை கொண்டு எவ்வளவோ நல்ல விஷயங்களை செய்ய முடியுமாம்.
எனவே இந்த ஆன்டி ஆக்ஸிடன்கள் நிறைந்த டீ பேக்குகளை தூர எறியாமல் மீண்டும் பயன்படுத்துவதை வழக்கமாக வைத்துக் கொள்ளுங்கள்.
இதன் மூலம் என்னென்ன நன்மைகள் கிடைக்கிறது என்பதை நாம் அறிந்து கொள்வோம்.
பாஸ்தாவிற்கு கூடுதல் சுவை அளிக்கலாம்
அடுத்த தடவை நீங்கள் மல்லிகைப் பூ சாதம் அல்லது லெமன் கிராஸ் பாஸ்தா தயாரிக்கும் போது இந்த டீ பேக்குகளை நீங்கள் பயன்படுத்திக் கொள்ளலாம்.
இது உங்க பாஸ்தாவிற்கு கூடுதல் நறுமணத்தையும் சுவையையும் அளிக்கும்.
தண்ணீரில் தேநீர் பேக்குகளை போட்டு கொதிக்க வைத்து அதன் சாற்றை பாஸ்தா அல்லது சாதத்தில் பயன்படுத்துங்கள்.
தோட்டத்திற்கு உரமூட்டுங்கள்
பயன்படுத்திய தேநீர் பேக்குகளை சூடான நீரில் போட்டு கொதிக்க வைத்து அந்த தண்ணீரை உங்க செடிகளுக்கு உரமாக்குங்கள். இது உங்க தாவரங்களுக்கும் மண்ணுக்கும் உரமாகுவதோடு தொற்றுநோய்களிலிருந்து தாவரங்களை பாதுகாக்க உதவுகிறது. தேநீர் பேக்குகளில் உள்ள டீ தூளைக் கூட தோட்ட மண்ணுடன் சேர்க்கலாம். இது மண்ணின் மேல் அடுக்கை உரமாக்கும்.
ஷூக்களில் உள்ள கெட்ட துர்நாற்றம் நீங்க
உலர்ந்த தேநீர் பேக்குகளை ஷூக்களில் வைக்கும் போது காலணிகளில் உள்ள கெட்ட துர்நாற்றத்தை விரட்டுகிறது. இந்த தேநீர் பேக் கெட்ட துர்நாற்றத்தை விரட்டும்.
அதிலும் குறிப்பாக இந்த மழைக்காலத்தில் பொதுவாக ஷூக்கள் அதிக துர்நாற்றம் வீசக்கூடியதாகத் தான் இருக்கும். அவற்றை செலவில்லாமல் சரிசெய்து கொள்ள இதுவொரு மிகச்சிறந்த வழியாக இருக்கும்.
தரை விரிப்புகள்
வீட்டு தரை விரிப்புகள் சீக்கிரமே துர்நாற்றம் அடிக்க ஆரம்பித்து விடும். எனவே தரை விரிப்புகளை சுத்தம் செய்வதற்கும் நறுமணத்துடன் வைப்பதற்கும் இந்த டீ பேக்குகள் உதவுகின்றன. பயன்படுத்திய தேநீர் பேக்குகள் வெதுவெதுப்பான நீரில் நனைத்து அந்த ஈரமான டீ தூளை உங்க தரை விரிப்புகளில் பரப்பவும்.
அது அப்படியே காயும் வரை விட்டு விடுங்கள். இது உங்க தரை விரிப்புகளுக்கு நல்ல நறுமணத்தை கொடுக்கும். எலும்பிச்சை மற்றும் புதினா டீ பேக்குகளைக் கூட நீங்கள் பயன்படுத்தலாம். இவை இரண்டுமே நல்ல நறுமணத்தை தரக் கூடியது.
கண்ணாடி க்ளீனர்
உங்க வீட்டில் இருக்கும் கண்ணாடி ஜன்னல்கள் மற்றும் கதவுகள் சீக்கிரமாகவே அழுக்காகி விடும். அதை சுத்தம் செய்ய இந்த பழைய டீ பேக்குகளை பயன்படுத்திக் கொள்ளலாம். ஒரு நல்ல துணியில் இந்த தேநீர் தண்ணீரை எடுத்து கண்ணாடியை துடையுங்கள். அழுக்குகள் நீங்கி பளபளக்கும்.
பாத பராமரிப்பு
தேயிலை தூளுக்கு நம் இறந்த செல்களை எளிதில் நீக்கும் பண்புகள் உள்ளன. இதிலுள்ள ஆன்டி ஆக்ஸிடன்கள் தோலுக்கு புத்துணர்ச்சி அளிக்கிறது. எனவே உங்க குதிகால் வெடிப்பு மற்றும் பாதம் பட்டு போல் இருக்க இந்த டீ பேக்குகளை நீங்கள் பயன்படுத்திக் கொள்ளலாம். இது உங்க தசைகளை ரிலாக்ஸ் செய்து பாத வலி மற்றும் வீக்கத்தை குறைக்க உதவுகிறது.
கூந்தல் பராமரிப்பு
உங்க கூந்தல் நல்ல நிறத்துடனும், நறுமணமாகவும், வலிமையாகவும் இருக்க டீத்தூள் உதவுகிறது. எனவே பயன்படுத்திய டீத்தூளை வெந்நீரில் கொதிக்க வைத்து அந்த தண்ணீரைக் கொண்டு கூந்தலை அலசி வரலாம்.
பாத்திரங்களில் உள்ள எண்ணெய் பிசுக்கு நீங்க
பாத்திரங்களில் சில சமயங்களில் எண்ணெய் பிசுக்கு போகாமல் அடம் பிடிக்கும். நாமும் சோப்பு எல்லாம் போட்டு தேய்த்து பார்ப்போம். கை வலிப்பது தான் மிச்சம். இப்படி விடாப்பிடியாக இருக்கும் எண்ணெய் பிசுக்கை போக்க தேநீர் பைகளை சிறிது நேரம் வெந்நீரில் போட்டு அதைக் கொண்டு பாத்திரம் தேயுங்கள். எண்ணெய் பிசுக்கு நீங்குவதோடு பாத்திரத்தில் உள்ள கெட்ட பாக்டீரியாக்களை அகற்றி பாத்திரத்தை நறுமணத்துடன் வைக்க உதவும்.
ஆன்டி ஆக்ஸிடன் குளியல்
தேயிலை இலைகளில் நிறைய ஆன்டி ஆக்ஸிடன்கள் உள்ளன. இவை நம்முடைய தோல் புத்துணர்ச்சிக்கு உதவுகிறது. எனவே நீங்கும் குளிக்கும் பக்கெட்டில் இந்த தேநீர் பேக்குகளை போட்டு குளிக்கலாம். இது உங்க வியர்வை துர்நாற்றம் மற்றும் சருமத்தில் உள்ள இறந்த செல்களை நீக்கி புத்துணர்ச்சி தரும். சரும பிரச்சனைகளையும் விரட்டு உதவுகிறது.
ஏர் ப்ரஷ்ஷனர்
பயன்படுத்திய தேநீர் பேக்குகளில் அத்தியாவசிய எண்ணெய்கள் சில துளிகள் சேர்த்து அதை உங்க வீடு, ஆபிஸ், கார் மற்றும் பாத்ரூம் போன்ற இடங்களில் தொங்க விடலாம். இது சுற்றுப்புற காற்றில் உள்ள கெட்ட துர்நாற்றத்தை நீக்கி நறுமணத்தை அறை முழுவதும் கமழச் செய்யும். வீட்டிலேயே இயற்கையான முறையில் ஏர் ப்ரஷ்ஷனர் ரெடி
என்னங்க டீ பேக் இவ்வளவு நன்மைகளைத் தருகிறது என்று தெரிந்த பிறகு அதை தூக்கி போடுவீர்களா என்ன. மீண்டும் பயன்படுத்தி பலன் பெறுங்கள்.