முளைகட்டிய பயிறு அகத்திக்கீரை சுண்டல்

தேவையான பொருட்கள்

:

முளைகட்டிய பச்சை பயிறு – 1 கப்

அகத்திக்கீரை – 1 கட்டு

தேங்காய் துருவல் – 3 ஸ்பூன்

காய்ந்த மிளகாய் – 4

கறிவேப்பிலை – சிறிதளவு

உப்பு, எண்ணெய் – தேவைக்கு

கடுகு, உளுத்தம்பருப்பு, சீரகம் – தாளிக்க

செய்முறை

:

• அகத்திக்கீரையை நன்றாக கழுவி பொடியாக நறுக்கி கொள்ளவும்.

• அடுப்பில் கடாயை வைத்து முளைகட்டிய பச்சை பயிறை போட்டு சிறிது தண்ணீர் சேர்த்து வேக வைக்கவும். முக்கால் பாகம்

வெந்தவுடன் கீரையை சேர்த்து வேக வைக்கவும். தேவையான அளவு உப்பை சேர்க்கவும்.

• மற்றொரு கடாயில் சிறிது எண்ணெய் ஊற்றி கடுகு, உளுத்தம்பருப்பு, சீரகம், கறிவேப்பிலை, காய்ந்த மிளகாய் போட்டு தாளித்து

வேகவைத்துள்ள கீரை, பருப்பை போடவும். அடுத்து அதில் துருவிய தேங்காயை போட்டு நன்றாக கிளறி இறக்கவும்.

• சத்தான சுவையான முளைகட்டிய பயிறு அகத்திக்கீரை சுண்டல் ரெடி.