உங்களுக்கு ஆசனவாய் பகுதியில் மலம் கழிக்கிறபொழுது எரிச்சல் ஏற்படுகிறதா? அப்ப தினமும் செய்யுங்க…

ஆசனவாய் பகுதியில் ஏற்படும் கிழிசல் அல்லது பிளவுகளைத் தான் ஆசனவாய் வெடிப்பு என்கின்றனர். இந்த பிரச்னையால் ஆசனவாய் பகுதியில் வலி மற்றும் இரத்தப்போக்கு ஏற்படக்கூடும். இந்த ஆசனவாய் வெடிப்பு பாகுபாடில்லாமல் கந்த வயதினரையும் தாக்க கூடியதாக உள்ளது. இந்த வெடிப்புகள் பார்ப்பதற்கு கண்ணாடியை வைத்து கீறியது போன்று இருக்கும். எனவே இந்த பிளவுகளால் உங்களால் எளிதாக மலம் கழிக்கக் கூட முடியாது. மலம் கழிக்கும் போது கடுமையான எரிச்சல் உண்டாகும். இதனால் மலம் கழிக்க முடியாமல் திண்டாடுவீர்கள். இப்படி பிளவுகள் ஏற்பட முக்கிய காரணம் மலம் கழிக்கும் போது கொடுக்கும் அழுத்தம் தான் காரணம் என்கிறார்கள் மருத்துவர்கள். அதிக அழுத்தத்தின் காரணமாக அந்த பகுதியில் கிழிசல் உண்டாகிறது என்கிறார்கள் மருத்துவர்கள். சரி இந்த ஆசனவாய் வெடிப்பு எவ்வாறு ஏற்படுகிறது அதற்கான சிகச்சை முறைகளை பற்றி கீழ்க்கண்டவாறு காணலாம்.

​ஆசனவாய் பிளவு

ஆசனவாயின் புறணி பகுதியில் ஒரு வெட்டு அல்லது கிழிசல் போன்று காணப்படும். இந்த பிளவுகளால் வலி மற்றும் கடுமையான இரத்த போக்கு ஏற்பட ஆரம்பிக்கும். இந்த பிளவை நிறைய பேர்கள் மூலநோய் மற்றும் ஹெமரைட்ஸ் என்று தவறாக புரிந்து கொள்கிறார்கள். இந்த ஆசனவாய் பிளவு எல்லா வயதினரை தாக்கினால் கூட சிறு குழந்தைகளை அதிகளவில் தாக்குகிறது. காரணம் இவர்களுக்கு மலச்சிக்கல் பிரச்சனைகள் இருப்பதால் சிறு குழந்தைகளுக்கு இந்த பிரச்சினை உண்டாகிறது. இந்த பிளவுகள் தானாகவே சில நேரங்களில் குணமாகி விடும். 4-6 வாரங்களுக்குள் இந்த பிளவுகள் சரியாகி விட வாய்ப்புள்ளது. ஒரு வேளை இந்த ஆசனவாய் வெடிப்பு எட்டு வாரங்களுக்கு மேலும் நீடித்தால் அது நாள்பட்ட வெடிப்பாக கருதப்படுகிறது.

இதற்கு சிகிச்சை முறைகள் என்று பார்த்தால் மேற்பூச்சு களிம்புகள் மற்றும் அசெளகரியத்தை போக்க மருந்துகள் கொடுக்கப்படுகிறது. ஒரு வேளை ஆசனவாய் பிளவுகள் இதன் மூலம் சரியாகவில்லை என்றால் உங்களுக்கு அறுவை சிகிச்சை தேவைப்படும் என்கிறார்கள் மருத்துவர்கள்.

ஆசனவாய் வெடிப்பின் அறிகுறிகள்

ஆசனவாயைச் சுற்றியுள்ள தோலில் பிளவுகள் அல்லது வெடிப்புகள் உண்டாதல்

ஆசனவாய் தோலில் சிறிய கட்டி

குடல் இயக்கத்தின் போது கூர்மையான வலியை அனுபவித்தல்

மலம் கழித்த பின் இரத்தக் கசிவு ஏற்படுதல்

ஆசனவாய் பகுதியில் எரிச்சல் மற்றும் அரிப்பு உண்டாதல்

​ஆசன வாய் பிளவுகள் ஏற்பட என்ன காரணம்

நாள்பட்ட மலச்சிக்கல் அல்லது அடிக்கடி வயிற்றுப்போக்கு உங்கள் ஆசனவாயைச் சுற்றியுள்ள தோலைக் கிழிக்கக்கூடும். இதனால் அந்தப்பகுதி புண்ணாகக் கூடும் என்கிறார்கள் மருத்துவர்கள்.

பிரசவம் அல்லது மலம் கழிக்கும் போது கொடுக்கும் அதிக அழுத்தம் ஆசனவாய் பகுதியில் வெடிப்பை உண்டாக்குகிறது.

க்ரோன் நோய் போன்ற உணவு ஒவ்வாமை அழற்சியால் ஆசனவாய் பகுதியில் ஒரு நிரந்தர அழற்சியை உண்டாக்கி அந்தப் பகுதியில் பிளவுகளை உண்டாக்குகிறது.

ஆசனவாய் பகுதிக்கு இரத்த ஓட்டம் குறைந்து போதல். அதிக இறுக்கமான ஆசனவாய் தசைகளால் ஏற்படும் நிலை

இதர காரணங்கள்

ஆசனவாய் புற்றுநோய்

ஹெச்ஐவி

காசநோய்

சிபிலிஸ்

ஹெர்பஸ் போன்ற பாதிப்புகளாலும் ஆசனவாய் பகுதியில் பிளவுகள் உண்டாகலாம்.

இந்த ஆசனவாய் பிளவுகள் வர யாருக்கு ஆபத்து அதிகம்

பொதுவாக குழந்தை பருவத்தில் ஆசனவாய் பிளவு என்பது பொதுவாக காணப்படுகிறது. ஆனால் ஆசனவாய் பகுதியில் இரத்த ஓட்டம் குறையும் போது சில பெரியவர்களும் இந்த பிளவுகளை சந்திக்கின்றனர். பிரசவத்தின் போது பெண்கள் அதிக அழுத்தத்தை கொடுத்து குழந்தையை வெளித்தள்ள வேண்டி இருப்பதால் அவர்கள் ஆசனவாய் பிளவை சந்திக்கின்றனர்.

எரிச்சலுடன் மலம் கழித்தல் மற்றும் மலச்சிக்கல் பிரச்சினை இருப்பவர்களுக்கு ஆசனவாய் பிளவுகள் ஏற்பட அதிக வாய்ப்புகள் உள்ளது. மலம் கழிக்கும் போது ஏற்படும் கடினமான உந்துதலால் இந்த பிரச்சினை உண்டாகிறது.

​ஆசனவாய் பிளவுகளை கண்டறியும் முறை

மருத்துவர் முதலில் ஆசனவாயைச் சுற்றியுள்ள பகுதியை ஆராய முற்படுவார். இருப்பினும் நோயை தெளிவாக கண்டறிய அவர் மலக்குடல் பரிசோதனையை செய்தாக வேண்டிருக்கும்.

இந்த சோதனையின் போது அனஸ்கோப் கருவியை மலக்குடலில் சொருகி பரிசோதனை விவரங்கள் சேகரிக்கப்படும். இது பார்ப்பதற்கு ஒரு மெல்லிய குழாய் போன்று இருக்கும். இது உங்க மலவாய் பகுதியை துல்லியமாக ஆராய உதவி செய்யும். சில சமயங்களில் கூடுதலாக எண்டோஸ்கோபி செய்யவும் மருத்துவர்கள் பரிந்துரைக்கலாம்.

​சிகிச்சை முறைகள்

மலவாய் பிளவுக்கு பொதுவாக சிகிச்சை தேவைப்படுவதில்லை. காரணம் இது சில வாரங்களுக்குள் தானாகவே சரியாகி விட வாய்ப்புள்ளது. அப்படி இல்லையென்றால் நீங்கள் சில வீட்டு வைத்திய முறைகளைக் கொண்டு தீர்வு காணலாம். இது உங்க மலச்சிக்கலை போக்கி ஆசனவாய் பிளவுகள் ஏற்படுவதை தடுக்க வாய்ப்புள்ளது.

மலமிளக்கி மருந்துகளை பயன்படுத்துதல்

அதிக நீர் ஆகாரங்களை எடுப்பது

பழங்கள் மற்றும் காய்கறிகள் போன்ற நார்ச்சத்து உணவுகளை அதிகம் எடுப்பது

குத தசையை தளர்த்த மற்றும் அரிப்பு, எரிச்சல் இவற்றை போக்க அந்தப் பகுதியில் இரத்த ஓட்டத்தை அதிகரிக்க தண்ணீரில் உட்கார்ந்து குளிக்கும் வெதுவெதுப்பான குளியலை மேற்கொள்ளலாம்.

நைட்ரோகிளிசரின் களிம்பு அல்லது கார்டிசோன் 10 போன்ற ஒரு ஹைட்ரோ கார்ட்டிசோன் கிரீம் போன்றவை ஆசனவாய் பகுதியில் ஏற்படும் வீக்கத்திற்கு உதவுகிறது.

ஆசனவாய் பகுதியில் வலியை குறைக்க வலி நிவாரணி மருந்துகளான லிடோகைன் போன்ற களிம்புகளை பயன்படுத்தி வரலாம்.

மேற்கண்ட சிகச்சை முறைகள் செய்தும் உங்க ஆசனவாய் பிளவுகள் இரண்டு வாரங்களுக்குள் சரிவரவில்லை என்றால் மருத்துவரை அணுகி ஆலோசனை கேளுங்கள். அவர் உங்களுக்கு வேறு விதமான சிகிச்சை முறைகளை பரிந்துரைக்கலாம்.

இதர சிகிச்சை முறைகள்

கால்சியம் சேனல் தடுப்பான் களிம்பு ஸ்பைன்க்டர் போன்றவை ஆசனவாய் தசைகளை தளர்த்தி, குத பிளவு குணமடைய உதவுகிறது.

போடோக்ஸ் போன்ற ஊசிகள் ஆசனவாய் பகுதியில் ஏற்படும் பிடிப்புகளை தற்காலிமாக தடுப்பதன் மூலம் பிளவுகளை குணமாக்குகிறது.

இந்த சிகிச்சைகள் உங்களுக்கு பலன் அளிக்காவிட்டால் மருத்துவர்கள் உங்களுக்கு ஸ்பைன்கெரோடொமி என்ற சிகிச்சையை பரிந்துரைக்கலாம். இந்த சிகிச்சையில் ஆசனவாய் பகுதியில் ஒரு கீறலை ஏற்படுத்தி அங்குள்ள தசைகளை தளர்த்தி மலம் கழிக்கும் போது பிளவுகள் மீண்டும் ஏற்படாமல் தடுக்கவும், பிளவுகள் குணமாகவும் உதவுகிறது.

மலச்சிக்கல் காரணமாக மட்டும் பிளவுகள் ஏற்படவில்லை. கூடுதல் ஆசனவாய் உட்புற திசுக்கள் பாதிக்கப்படுவதால் கூட ஆசனவாய் பிளவுகள் உண்டாகலாம். வீட்டு சிகிச்சை முறைகள் எதுவும் பலன் அளிக்கா பட்சத்தில் மருத்துவரை அணுகி சிகிச்சை பெறுங்கள்.

தடுக்கும் முறைகள்

ஆசனவாய் பகுதியை எப்பொழுதும் உலர்ந்த நிலையில் வையுங்கள்.

லேசான சோப்பு மற்றும் வெதுவெதுப்பான நீரில் குத பகுதியை மெதுவாக சுத்தம் செய்ய வேண்டும்

திரவ உணவுகள், பழங்கள் மற்றும் காய்கறிகள் போன்ற உணவுகளை எடுப்பது உங்களுக்கு மலச்சிக்கல் ஏற்படாமல் தடுத்து பிளவுகளை ஏற்படுத்தாமல் தடுக்கும். மலச்சிக்கலை தவிர்க்க உடற்பயிற்சிகள் செய்து வரலாம். வயிற்று போக்கு ஏற்பட்டால் உடனே மருத்துவரை அணுகி சிகிச்சை பெறுங்கள். குழந்தைகளின் டயப்பரை அடிக்கடி மாற்றி விடுங்கள்.

முடிவு

ஆசனவாய் பிளவுகளுக்கு முக்கிய காரணமாக பிரசவம், குத வழி செக்ஸ் மற்றும் மலச்சிக்கல் பிரச்சினைகள் இருக்கின்றன. அதே மாதிரி ஆசனவாய் பகுதியில் ஏற்படும் அறுவை சி‌கி‌ச்சைகள், குடல் அழற்சி நோய்கள் மற்றும் ஆசனவாய் புற்றுநோய் போன்றவை கூட ஆசனவாய் பகுதியில் பிளவுகளை உண்டாக்கி நிலைமையை மோசாக்கி விடுகின்றன.

இதனால் வலி மற்றும் இரத்த போக்குடன் நீங்கள் சமாளிக்க வேண்டியிருக்கும். எனவே தாமதபடுத்தாமல் உங்க மருத்துவரை அணுகி உடனே சிகிச்சை பெறுவது உங்கள் ஆரோக்கியத்திற்கு நன்மை அளிக்கும்.