குழந்தைகளுக்கு சிக்கன் என்றால் மிகவும் பிடிக்கும். இன்று இந்த சிக்கன் ஸ்டார்டரை வீட்டிலேயே எளிய முறையில் எப்படி செய்வது என்று பார்ப்போம்.
தேவையான பொருட்கள்
தோல் நீக்கிய எலும்பில்லாத சிக்கன் – 250 கிராம்
மசாலா தயாரிக்க:
எலுமிச்சை சாறு – 2 மேஜைக்கரண்டி
பூண்டு விழுது – 1 மேஜைக்கரண்டி
இஞ்சி விழுது – 1 மேஜைக்கரண்டி
மிளகாய் தூள் – 1/2 தேக்கரண்டி
மல்லித் தூள் – 1/2 தேக்கரண்டி
கரம் மசாலா தூள் – 1 மேஜைக்கரண்டி
மிளகு தூள் – 1/2 தேக்கரண்டி
உப்பு – தேவையான அளவு
கோட்டிங் செய்ய:
பிரெட் தூள் – 1/2 கப்
முட்டை – 2
மிளகாய் தூள் – 1/2 தேக்கரண்டி
எண்ணெய் – வறுக்க தேவையான அளவு
செய்முறை
சிக்கனை சுத்தம் செய்து நன்கு கழுவி கொள்ளவும்.ஒரு பௌலில் எலுமிச்சை சாறு, பூண்டு விழுது, இஞ்சி விழுது, மிளகாய் தூள், மல்லித் தூள், கரம் மசாலா தூள், மிளகு தூள், உப்பு போட்டு அனைத்தையும் சேர்த்து நன்கு கலந்து வைத்து கொள்ளவும்.இந்த மசாலா கலவையை சிக்கனில் தடவி 30 நிமிடங்கள் ஊறவைக்கவும்.அதேநேரம் மற்றொரு பௌலில் முட்டையை உடைத்து ஊற்றி அதில் மிளகாய் தூள் சேர்த்து நன்கு அடித்து கொள்ளவும்.அடுப்பில் கடாய் வைத்து அதில் எண்ணெய் ஊற்றி சூடானதும் மசாலா தடவிய சிக்கனை எடுத்து முட்டையில் முக்கி பிரெட் தூளில் பிரட்டி எடுத்து வைக்கவும்.பின் இதனை எண்ணெய் சூடானவுடன் போட்டு பொரித்து எடுத்து சட்னியுடன் பரிமாறவும்.சூப்பரான சிக்கன் ஃபார்சா ரெடி.