தேவையான பொருட்கள் :
மட்டன் – 500 கிலோ
உப்பு – சுவைக்கேற்ப
மஞ்சள்தூள் – 1/2 டீஸ்பூன்
எலுமிச்சை சாறு – 1/2
தயிர் மசாலாவிற்கு :
கெட்டியான தயிர் – 3/4 கப்
குங்குமப்பூ – சிறிதளவு
காஷ்மீரி மிளகாய்த்தூள் – 2 டீஸ்பூன்
கொத்தமல்லி தூள் – 2 டீஸ்பூன்
சோம்பு – 1 டீஸ்பூன்
இஞ்சி – 1 டீஸ்பூன்
தாளிப்பதற்கு :
எண்ணெய் – 3 டீஸ்பூன்
பிரியாணி இலை -2
இலவங்கப்பட்டை – 1 இன்ச்
கிராம்பு – 5
கருப்பு ஏலக்காய் -2
பச்சை ஏலக்காய் – 5
சீரகம் -1 டீஸ்பூன்
பெருங்காயத்தூள் – 1 டீஸ்பூன்
கரம்மசாலாதூள் – அரை ஸ்பூன்
கொத்தமல்லி தழை – சிறிதளவு
செய்முறை :
* இஞ்சியை நசுக்கிக்கொள்ளவும்.
* கொத்தமல்லியை பொடியாக நறுக்கி கொள்ளவும்.
* மட்டனை நன்றாக சுத்தம் செய்து கொள்ளவும்.
* ஒரு பாத்திரத்தில் சுத்தம் செய்த மட்டன் துண்டுகள், மஞ்சள் தூள், உப்பு, எலுமிச்சை சாறு சேர்த்து நன்கு கலந்து 30 நிமிடங்கள் ஊற வைக்கவும்.
* ஒரு கிண்ணத்தில் தயிர், குங்குமப்பூ, மிளகாய்த்தூள், தனியா தூள், சோம்புத்தூள், இஞ்சி, சிறிதளவு தண்ணீர் சேர்த்து நன்கு பேஸ்ட் போல் கலந்து கொள்ள வேண்டும்.
* இப்போது, அடுப்பில் ஒரு கடாயை வைத்து எண்ணெய் விட்டு காய்ந்ததும் பிரியாணி இலை, இலவங்கப்பட்டை, கிராம்பு, கருப்பு ஏலக்காய், பச்சை ஏலக்காய், சீரகம், பெருங்காயத்தூள் சேர்த்து தாளித்த பின் அதில் ஊற வைத்த மட்டம் கலவையை போட்டு நன்றாக வதக்கி விட்டு 5 நிமிடங்கள் கடாயை மூடி போட்டு வேக வைக்கவும்.
* பிறகு, மூடியை எடுத்து விட்டு தயிர் கலவையை சேர்த்து நன்கு கிளறி விட்டு வேக வைக்கவும்.
* அடுத்து தேவையான அளவு தண்ணீர் ஊற்றி நன்கு கிளறி விட்டு 45 நிமிடங்கள் தண்ணீர் சுண்டி கிரேவி பதம் வரும் வரை வேக வைக்கவும்.
* இறுதியாக மட்டன் வெந்து ஓரங்களில் எண்ணெய் பிரிந்து வரும் போது கரம்மசாலா, கொத்தமல்லி இலையைத் தூவி விட்டு சாதத்துடன் பரிமாறலாம்.
* சூப்பரான காஷ்மீரி ஸ்டைல் மட்டன் ரோகன் ஜோஸ் ரெடி!