குழந்தைகளுக்கு சீஸ் மிகவும் பிடிக்கும். குழந்தைகளுக்கு விருப்பமான சீஸை வைத்து சூப்பரான ஊத்தப்பம் செய்வது எப்படி என்று பார்க்கலாம்.
குழந்தைகளுக்கான கேரட் – சீஸ் ஊத்தப்பம்
தேவையான பொருட்கள் :
அரைப்பதற்கு :
புழுங்கல் அரிசி – 4 கப்,
முழு உளுந்து – 1 கப்,
துவரம் பருப்பு – கால் கப்,
வெந்தயம் – 4 டீஸ்பூன்,
உப்பு – தேவைக்கேற்ப.
ஊத்தப்பத்துக்கு :
வெங்காயம் – 2
ப.மிளகாய் – 2
இஞ்சி – சிறிய துண்டு
பூண்டு – 6 பல்
கொத்தமல்லி தழை – சிறிதளவு
துருவிய சீஸ் – 1 கப்
எண்ணெய் – தேவைக்கு
கேரட் – 3
செய்முறை
* வெங்காயம், ப.மிளகாய், கொத்தமல்லி, பூண்டை பொடியாக நறுக்கி கொள்ளவும்
* கேரட், இஞ்சியை துருவிக் கொள்ளவும்.
* அரிசி, உளுந்து, துவரம் பருப்பு, வெந்தயத்தை 4 மணி நேரம் ஊற வைத்து, தோசை மாவு பதத்துக்கு முதல் நாளே அரைத்து தேவையான உப்புக் கலந்து, புளிக்க விடவும்.
* தோசைக் கல்லை அடுப்பில் வைத்து சூடானதும் ஒரு குழிக் கரண்டியால் கனமாக தோசை வார்த்து, மேலே பொடியாக நறுக்கிய வெங்காயம், பச்சை மிளகாய், இஞ்சி, பூண்டு, கொத்தமல்லி, கேரட் தூவவும்.
* கடைசியாக துருவிய சீஸை தூவி சுற்றி எண்ணெயை விட்டு, மூடி வைத்து, குறைந்த தணலில் வேக விடவும்.
* வெந்ததும் எடுத்து பரிமாறவும்.
* சூப்பரான கேரட் – சீஸ் ஊத்தப்பம் ரெடி. 