கொத்தமல்லி சப்பாத்தி செய்வது எப்படி

கொத்தமல்லியில் அதிகளவு சத்துக்கள் நிறைந்துள்ளது. கொத்தமல்லியை வைத்து சப்பாத்தி செய்வது எப்படி என்று பார்க்கலாம்.

கொத்தமல்லி சப்பாத்தி செய்வது எப்படி
தேவையான பொருட்கள் :

கோதுமை மாவு – 1 1/2 கப்,
உப்பு – தேவையான அளவு,
மஞ்சள் தூள் – 1 சிட்டிகை,
சிவப்பு மிளகாய் தூள் – 1/2 டீஸ்பூன்,
நறுக்கிய கொத்தமல்லி – 1/2 கப்,
எண்ணெய் – தேவையான அளவு,
தண்ணீர் – தேவையான அளவு.

செய்முறை :

* கொத்தமல்லியை நன்றாக சுத்தம் செய்து பொடியாக நறுக்கி கொள்ளவும்.

* ஒரு அகலமான பாத்திரத்தில் எண்ணெய் தவிர மற்ற பொருட்களை சேர்த்து நன்கு கலந்த பிறகு 1 டேபிள்ஸ்பூன் எண்ணெய் சேர்த்து, தேவையான அளவு தண்ணீர் ஊற்றி சப்பாத்தி மாவு பதத்தில் பிசைந்து 30 நிமிடம் ஊற விடவும்.

* பிறகு அதை சரி சமமான உருண்டைகளாக பிரித்து சப்பாத்தி கல்லில் வட்ட வடிவில் உருட்டி வைக்கவும்.

* தோசைக்கல்லை அடுப்பில் வைத்து சூடானதும் அதில் உருட்டி வைத்த சப்பாத்தியை போட்டு சுற்றி சிறிது எண்ணெய் சேர்த்து இரண்டு பக்கமும் வேக விட்டு எடுக்கவும்.

* சுவையான கொத்தமல்லி சப்பாத்தி தயார்.