கோதுமை உசிலி

தேவையான பொருட்கள் :
கோதுமை மாவு – 1 கப்
அரிசி மாவு – 3 டீஸ்பூன்
முழு உளுந்து – 1 கப்
கடலை பருப்பு – 3/4 கப்
பச்சை மிளகாய் – 3
கறிவேப்பிலை – 2 இலை
கடுகு – 1/2 டீஸ்பூன்
பெருங்காயம் – சிறிதளவு
எண்ணெய், உப்பு – தேவையான அளவு

செய்முறை:

• கோதுமை மாவு, அரிசி மாவு இரண்டையும் தண்ணீர் தெளித்து பிசைந்து சிறு சிறு உருண்டைகளாக செய்து ஆவியில் வேகவைத்துக் பின்னர் உதிர்த்து கொள்ளவும்.
• உளுந்து, கடலை பருப்பையும் 1மணி நேரம் ஊற வைக்கவும்.
• ஊற வைத்த பருப்போடு பச்சை மிளகாய், உப்பு சேர்த்து மிக்சியில் கரகரப்பாக அரைத்த, பிறகு இந்த கலவையை ஆவியில் வேக வைத்து எடுத்து உதிர்த்து கொள்ளவும்.
• வாணலியில் எண்ணெய் வைத்து காய்ந்ததும் கடுகு போட்டு வெடித்ததும் அதில் பெருங்காயம், கறிவேப்பிலை, பருப்பு கலவை, வேக வைத்த மாவு உருண்டைகள் அனைத்தையும் போட்டு வதக்கி எடுத்து வைத்து பரிமாறவும்.
• டயட்டில் இருப்பவர்களுக்கு சிறந்த உணவு இது.