தேவையான பொருட்கள்:
* சிக்கன் – 1/2 கிலோ
* எண்ணெய் – 3 டேபிள் ஸ்பூன்
* சோம்பு – 1 டேபிள் ஸ்பூன்
* வெங்காயம் – 2 (நறுக்கியது)
* பச்சை மிளகாய் – 3 (நீளமாக கீறியது)
* கறிவேப்பிலை – சிறிது
* இஞ்சி பூண்டு பேஸ்ட் – 2 டேபிள் ஸ்பூன்
* மஞ்சள் தூள் – 1 டீஸ்பூன்
* மல்லித் தூள் – 2 டேபிள் ஸ்பூன்
* கரம் மசாலா – 2 டீஸ்பூன்
* உப்பு – சுவைக்கேற்ப
* மிளகுத் தூள் – 2 டேபிள் ஸ்பூன்
* எலுமிச்சை சாறு – சுவைக்கேற்ப
* கொத்தமல்லி – சிறிது
செய்முறை:
* முதலில் ஒரு வாணலியை அடுப்பில் வைத்து, அதில் எண்ணெய் ஊற்றி சூடானதும், சோம்பு சேர்த்து தாளிக்க வேண்டும்.
* பின்னர் அதில் வெங்காயம், கறிவேப்பிலை மற்றும் பச்சை மிளகாய் சேர்த்து 5-10 நிமிடம் வதக்க வேண்டும்.
* பின் அதில் இஞ்சி பூண்டு பேஸ்ட் சேர்த்து பச்சை வாசனை போக வதக்க வேண்டும்.
Pepper Chicken Dry Recipe In Tamil
* பின்பு அதில் மசாலா பொடிகள் அனைத்தையும் சேர்த்து, சுவைக்கேற்ப உப்பு சேர்த்து நன்கு கிளற வேண்டும்.
* பிறகு அதில் சிக்கன் துண்டுகளை சேர்த்து நன்கு கிளறி விட்டு, மூடி வைத்து குறைவான தீயில் வைத்து 30 நிமிடம் சிக்கனை வேக வைக்க வேண்டும். ( சிக்கன் அடிபிடிக்காமல் இருக்க அவ்வப்போது கிளற வேண்டும்.)
* சிக்கன் நன்கு வெந்ததும், மூடியைத் திறந்து உயர் தீயில் வைத்து மசாலா நன்கு ட்ரையாகும் வரை வதக்கி, மேலே மிளகுத் தூளை சேர்த்து நன்கு கிளறி இறக்க வேண்டும்.
* இறுதியாக மேலே எலுமிச்சை சாறு மற்றும் கொத்தமல்லியைத் தூவி கிளறினால், சுவையான பெப்பர் சிக்கன் ட்ரை தயார்.