வெந்தய சாதம்

தேவையான பொருட்கள் :

சாதம் – 1 கப்
வெந்தயப் பொடி – அரை டீஸ்பூன்
எலுமிச்சை சாறு – 1 டீஸ்பூன்
மஞ்சள் தூள் – கால் டீஸ்பூன்
நல்லெண்ணெய், உப்பு – தேவையான அளவு.

வறுத்து அரைக்க:

உளுந்து, கடலைப் பருப்பு, துவரம் பருப்பு – தலா கால் டீஸ்பூன்
காய்ந்த மிளகாய் – 5
தேங்காய்த் துருவல் – 1 டீஸ்பூன்
பெருங்காயம் – ஒரு சிட்டிகை

தாளிக்க :

கடுகு – கால் டீஸ்பூன்
உளுந்து, கடலைப் பருப்பு – தலா அரை டீஸ்பூன்
கறிவேப்பிலை – தேவையான அளவு

செய்முறை :

• அரைக்க கொடுக்கப்பட்டுள்ள பொருட்களை வெறும் கடாயில் எண்ணெய் ஊற்றாமல் சிவக்க வறுத்து ஆற வைத்து மிக்சியில் போட்டு பொடித்து கொள்ளவும்.

• வெந்தயத்தை முளைக்கட்டி, காயவைத்து அரைத்துக் கொள்ளுங்கள்.

• வாணலியில் எண்ணெய் விட்டு தாளிக்கக் கொடுத்துள்ளவற்றைப் போட்டுத் தாளித்த பின் அதில் சாதம், அரைத்த பொடி, வெந்தயப் பொடி, மஞ்சள் தூள், எலுமிச்சை சாறு, உப்பு சேர்த்துக் கிளறி இறக்கி பரிமாறுங்கள்.

• இந்த சாதத்தை சூடாக சாப்பிட்டால் சுவையாக இருக்கும்.

• மலக்சிக்கல், நீரிழிவு, வயிற்றுப் புண், வாய் துர்நாற்றம் உட்பட பல பிரச்சினைகளை இந்த வெந்தய சாதம் மட்டுப்படுத்தும்.