தேவையான பொருட்கள் :
சாமை அரிசி சாதம் – 1 கப்
தேங்காய் துருவல் – 1/2 மூடி
சின்ன வெங்காயம் – 1 கைபிடி
பச்சை மிளகாய் / வர மிளகாய் – 3
கடலை பருப்பு – 1 டேபிள் ஸ்பூன்
கடுகு, உளுந்த பருப்பு – 1 ஸ்பூன்
நல்லெண்ணை – 2 ஸ்பூன்
கறிவேப்பிலை, கொத்தமல்லி பெருங்காயம், உப்பு
செய்முறை :
• சின்ன வெங்காயத்தை தோல் உரித்து பொடியாக நறுக்கி வைக்கவும்.
• கொத்தமல்லியை பொடியாக நறுக்கி வைக்கவும்.
• மிளகாயை நீளவாக்கில் வெட்டிக்கொள்ளவும்.
• கடாயை அடுப்பில் வைத்து சூடானதும் எண்ணெய் ஊற்றி கடுகு, உளுந்த பருப்பு, கடலை பருப்பு, கறிவேப்பிலை, பெருங்காயம் சேர்த்து தாளிக்கவும்.
• கடுகு பொரிந்தவுடன் பச்சை மிளகாய் / வர மிளகாய், மெலிதாக வெட்டிய வெங்காயம் சேர்த்து வதக்கவும்.
• வெங்காயம் வதங்கியவுடன் தேங்காய் துருவல் சேர்த்து வதக்கவும்.
• அடுப்பை மிதமான தீயில் வைத்து இத்துடன் சாமை அரிசி சாதம், உப்பு சேர்த்து கிளறவும்.
• அனைத்தும் நன்றாக கலந்தவுடன் பொடியாக நறுக்கிய கொத்தமல்லி இலை தூவி பரிமாறவும்.
