வீட்டு சமையலறைகள் முடி மீது நேர்மறையான விளைவுகளை ஏற்படுத்தும் நம்பமுடியாத பொருட்கள் நிறைந்துள்ளன. பாரம்பரிய முடி பராமரிப்பு பொருட்கள் போலல்லாமல், இந்த பொருட்கள் மிகவும் மலிவு. நல்ல கூந்தல் உங்களை நன்றாக உணர வைக்கிறது மற்றும் மோசமான நாளை மாற்றுகிறது. உங்களை அழகாக மாற்றுவதில் முடி முக்கிய பங்கு வகிக்கிறது. சருமத்தைப் பராமரிப்பது போலவே முடி பராமரிப்பும் முக்கியம். இந்த சமையலறை பொருட்களைப் பயன்படுத்தி அழகான பளபளப்பான கூந்தலுக்கான சில இயற்கை வைத்தியங்கள் இங்கே உள்ளன.
வாழைப்பழம்
வாழைப்பழம் உங்கள் தலைமுடிக்கு நல்லது என்பதில் சந்தேகமில்லை. வாழைப்பழத்தில் உள்ள சிலிக்கா உங்கள் உடல் கொலாஜனை உருவாக்க உதவுகிறது மற்றும் உங்கள் தலைமுடியை அடர்த்தியாகவும் வலுவாகவும் மாற்றுகிறது. ஆண்டிமைக்ரோபியல் பண்புகளை தவிர, வறண்ட மற்றும் செதில்களாக இருக்கும் சருமத்தை குணப்படுத்த வாழைப்பழம் சிறந்தது. தொடர்ந்து பொடுகு பிரச்சனை உள்ளவர்களுக்கு வாழைப்பழ ஹேர் மாஸ்க் நல்ல பலனை கொடுக்கும்.
மயோனைஸ்
நீங்கள் ஹேர் மாஸ்க்காகப் பயன்படுத்தும்போது மயோனைஸ் உங்கள் தலைமுடியை பலப்படுத்துகிறது மற்றும் பிரகாசத்தை சேர்க்கிறது. ஹேர் பேக்குகளில் எண்ணெய் மற்றும் முட்டைகள் முக்கிய பொருட்கள். மயோனைஸில் நிறைய புரதம் உள்ளது. எனவே இது உங்கள் முடியின் வேர்களை அடர்த்தியாக்கி வலுப்படுத்தும். ப்ரிசர்வேட்டிவ் நிரப்பப்பட்ட பேக்கேஜ்களுக்குப் பதிலாக ஆர்கானிக் மயோனைஸை பயன்படுத்தவும். இது சிறப்பாகவும் வேகமாகவும் உங்கள் முடிக்கு வேலை செய்யும்.
முட்டை
முட்டையின் மஞ்சள் கருவை மேற்பூச்சாகப் பயன்படுத்துவது உங்கள் முடியின் வேர்களுக்கு ஊட்டமளிக்க உதவும். இதன் விளைவாக, புதிய முடி உடையும் வாய்ப்புகள் குறைவாக இருக்கும் மற்றும் முடி வலுவாகவும் முழுமையாகவும் வளரும். ஆரோக்கியமான முடி வளர்ச்சிக்கு புரதம் எப்போதும் நல்லது. முட்டையின் வெள்ளைக்கரு முடியின் வளர்ச்சிக்கு உதவுகிறது.
ஆலிவ் எண்ணெய்
நீளமான, பட்டுப் போன்ற கூந்தலைப் பெற, நீங்கள் ஆலிவ் எண்ணெயைப் பயன்படுத்த வேண்டும். முதலில், வெதுவெதுப்பான ஆலிவ் எண்ணெயை உங்கள் உச்சந்தலையில் மற்றும் முடியில் தடவவும். அதன் பிறகு, உங்கள் தலைமுடியில் எண்ணெயை மெதுவாக மசாஜ் செய்து, சூடான துண்டை உங்கள் முடியில் கட்டவும். அரை மணி நேரம் கழித்து லேசான சல்பேட் இல்லாத ஷாம்பூவுடன் உங்கள் தலைமுடியை அலசிய பின் கண்டிஷனரைப் பயன்படுத்தி அலசவும்.
பால்
பாலில் உள்ள லிப்பிடுகள் மற்றும் புரதங்களின் கலவையானது முடியை வலுப்படுத்த உதவுகிறது. மேலும் கால்சியம் முடி வளர்ச்சியை ஊக்குவிக்கிறது. கூடுதலாக, பாலில் உள்ள வைட்டமின் ஏ, பொட்டாசியம், பி6 மற்றும் பயோட்டின் உள்ளிட்ட பல ஊட்டச்சத்துக்கள் முடிக்கு நல்லது. உங்கள் தலைமுடிக்கு நீர்த்த பாலை ஹேர் மாஸ்க்காக பயன்படுத்தலாம். ஒரு மணி நேரம் ஊற வைத்து, பின் கழுவினால் பளபளப்பான, ஆரோக்கியமான கூந்தல் கிடைக்கும்.
தேநீர்
தேயிலை நீர் பில்ட்-அப் மூலம் ஏற்படும் சேதத்தை மாற்றியமைக்கவும், ஊட்டமளிக்கும் வைட்டமின்கள் மற்றும் தாதுக்களை உறிஞ்சவும், மேலும் சேதத்தை ஏற்படுத்தும் புற ஊதா கதிர்களில் இருந்து உங்கள் தலைமுடியைப் பாதுகாக்கவும் உதவும். கூடுதலாக, அதன் அழற்சி எதிர்ப்பு பண்புகள் காரணமாக, தேநீர் உச்சந்தலை ஆரோக்கியத்திற்கும் நன்மையளிக்கிறது. மேலும்,வீக்கம் மற்றும் எரிச்சல் ஆகியவற்றை தடுக்க உதவுகிறது. தேநீரில் உள்ள பொருட்கள் இறந்த சரும செல்களை அகற்றும் என்பதால், அரிப்பு மற்றும் பொடுகு உள்ளவர்களுக்கு இது சிறந்தது.
வெந்தயம்
வெந்தய விதைகள் பட்டுப் போன்ற கூந்தலை பெறுவதற்காக பயன்படுத்தப்படுகிறது. இது பழமையான இந்திய முடி பராமரிப்பு பொருட்களில் ஒன்றாகும். பொடுகு மற்றும் முடி உதிர்வைத் தடுப்பதோடு, வைட்டமின் சி, இரும்புச்சத்து, புரதம் மற்றும் பொட்டாசியம் ஆகியவற்றை வழங்குவதன் மூலம் வெந்தய விதைகள் முடியை மென்மையாகவும் பளபளப்பாகவும் மாற்றுகிறது. வெந்தய விதைகளை ஒரே இரவு முழுவதும் தண்ணீரில் ஊற வைத்து, மறுநாள் அதை உங்கள் உச்சந்தலையிலும் முடியிலும் தடவவும். பேஸ்டாக அரைத்தும் பயன்படுத்தலாம். 30 நிமிடங்கள் அப்படியே விட்டு பிறகு ஷாம்பு மற்றும் கண்டிஷனர் பயன்படுத்தி அலசவும்.
பீர்
இப்போதெல்லாம், நீங்கள் பல பிராண்டுகளில் இருந்து பீர் ஷாம்பு வாங்கலாம். ஏனென்றால், பீரில் தாமிரம், பாஸ்பரஸ், இரும்பு, மெக்னீசியம் மற்றும் ஈஸ்ட், ஹாப்ஸ் மற்றும் மால்ட் ஆகியவற்றில் உள்ள ஆன்டிஆக்ஸிடன்ட்கள் உட்பட ஏராளமான தாதுக்கள் முடி வளர்ச்சியை ஊக்குவிக்கிறது.