தேவையான பொருட்கள்:
இட்லி மாவு – 2 கப்,
புளிக்காத புது தயிர் – 3 டீஸ்பூன்,
ஓமப்பொடி – 3 டீஸ்பூன்,
மிளகாய்தூள் – அரை டீஸ்பூன்,
சீரகத்தூள் – அரை டீஸ்பூன்,
உப்பு – தேவையான அளவு,
கொத்த மல்லித்தழை – சிறிதளவு.
அரைக்க:
தேங்காய் துருவல் – 3 டீஸ்பூன்,
பச்சை மிளகாய் – 4,
முந்திரிப்பருப்பு – 6.
தாளிக்க:
கடுகு – அரை டீஸ்பூன்,
பெருங்காயம் – அரை டீஸ்பூன்,
எண்ணெய் – 2 டீஸ்பூன்.
செய்முறை:
• மாவைக் இட்லி சட்டியில் ஊற்றி சிறு சிறு இட்லிகளாக ஊற்றி வேக வைத்துக்கொள்ளுங்கள்.
• அரைக்க கொடுத்துள்ள பொருட்களை ஒன்றாக அரைத்து தயிருடன் கலந்துகொள்ளுங்கள். அத்துடன் கடுகு, பெருங்காயம் தாளித்து உப்பு சேர்த்து, நன்கு கலந்துகொள்ளுங்கள்.
• பரிமாறும்போது, கிண்ணங்களில் இட்லிகளை வைத்து, கடைந்த தயிரை அதன்மேல் ஊற்றி மல்லித்தழை, ஓமப்பொடி, மிளகாய்தூள், சீரகத்தூள் துவி பரிமாறலாம். அல்லது வெறும் மல்லித்தழையை மட்டும் தூவியும் பரிமாறலாம்.
• இந்த இட்லிக்கு உப்பு காரம் சற்று தூக்கலாக இருந்தால் சுவையாக இருக்கும்.
